أمينة خليل: الموضة والفاشون حبي الأول

كشفت الفنانة أمينة خليل عن حبها الكبير وشغفها بالموضة والأزياء.

وقالت أمينة خليل خلال لقائها في برنامج 'كلام نواعم': 'بحس أن الموضة والفاشون حبي الأول من وأنا صغيرة عاشقة لعالم الموضة زمان كنت أخد المجلات بتاعة مامتي وأقطع الصور وأعمل مجلتي أنا فيها الصور اللي بحبها'.

وتابعت أمينة خليل: 'بحب جدا أتابع الموضة وأحب أروح عروض الأزياء واتفرج عالم حلو وحر، وبحس دايما بيديني مساحة لما أكون متابعة كل حاجة وعندي حفلة معينة وعايزة مثلا شكلي يكون كلاسيك افتكر أن في 'براند' معين كان عنده حاجة حلوة'.

وكشفت أمينة خليل عن أكثر شيء تغير في حياتها: ' زمان كنت عفوية أوي وأي حاجة في بالي أقولها وبحكي كل حاجة، دلوقتي اتغيرت وبقيت حريصة جدا مين يكون حواليا وحسيت أن كل ما كنت قليلة الكلام الكلام هيبقى أغلى بكتير'.

يشار إلى أن أمينة خليل غابت عن موسم رمضان 2026، وكان آخر مشاركتها في موسم رمضان 2025 بمسلسل 'لام شمسية' الذي حقق نجاحا كبيرا.

ومسلسل 'لام شمسية' من تأليف مريم نعوم وورشة سرد، وإخراج كريم الشناوى، وإنتاج شركة ميديا هب – سعدي وجوهر، وبطولة أمينة خليل، أحمد السعدنى، محمد شاهين، يسرا اللوزى، ثراء جبيل، صفاء الطوخى ياسمينا العبد والطفل علي البيلي وعدد آخر من الفنانين.

نرشح لك: إيه رأيكم لو حولنا البروفيسور لمسلسل مصري. مين يعمل الأدوار؟