لينا صوفيا تكشف مواصفات فتى أحلامها

كشفت الفنانة الشابة لينا صوفيا عن مواصفات فتى أحلامها.

وخلال لقائها في برنامج 'سيدات لكن ظرفاء' مع سالي شاهين، ردت على سؤال 'هي الناس بتتجوز ليه؟' وقالت لينا صوفيا: 'بالنسبالي الناس بتتجوز عشان الاستقرار ويبنوا عائلة، وأنا دايما بقول إحنا العيلة بتاعتنا ربنا بعتهالنا عندنا مرة في حياتنا قرار إننا نختار حد يبقى من عيلتنا فدا الحاجة الوحيدة اللي بتبقى قرارنا'.

وعن مواصفات فتى أحلامها قالت: 'في حاجات كتير يكون طيب ورياضي جدا وعيلته مترابطة زي عيلتي لأن في الأول والآخر أنت مش بتتجوز بني آدم أنت بتتجوز عائلة، ويبقى كريم، يبقى مهتم بشكله مفيش مواصفات للشكل معينة وكده كده لما بتحبي حد مش بتهتمي بشكله'.

وعن الصفة التي ترفض أن تكون في الشخص الذي ترتبط به قالت: 'أرفض الشخص البخيل لأن البخيل مش هيبقى بخيل في الفلوس بس هيبقى بخيل في مشاعره'.

وعن إن كانت تفكر في الزواج أوضحت لينا صوفيا أنها تترك هذه الأمور لله وترتيباته موضحة: 'أنا أتمنى إني أبقى أم صغيرة أخلف وأنا صغيرة حاسه إني عايزة ولادي يكبروا مع جدودهم وهما صغيرين، أتمنى أبقى أم كويسة زي مامتي، تربيتها كانت أحسن حاجة أتمنى حتى أبقى نصها'.

يشار إلى أن لينا صوفيا شاركت في رمضان 2026 بمسلسل 'وننسى اللي كان'.

مسلسل 'وننسى اللي كان' من تأليف عمرو محمود ياسين وإخراج محمد حمدي الخبيري، ويشارك في بطولته إلى جانب ياسمين عبد العزيز وكريم فهمي كل من إنجي كيوان، خالد سرحان، ومنة فضالي، ومحمد لطفي، لينا صوفيا، ويعرض على قنوات إم بي سي، ومنصة 'شاهد'.