فيديو – عبير الشرقاوي عن تردد حلا شيحة: مش بقارنها بالصحابة بس الفتنة بتيجي لأي حد

علقت الفنانة المعتزلة عبير الشرقاوي على حالة التردد التي تمر بها الفنانة حلا شيحة في مسألة ارتداء الحجاب، مؤكدة أن الأمر طبيعي، خاصة في ظل ما يمر به الإنسان من تقلبات نفسية وروحية.

وتابعت عبير الشرقاوي حديثها خلال مداخلة تليفزيونية في برنامج 'تفاصيل'، الذي تقدمه الإعلامية نهال طايل، عبر فضائية صدى البلد 2: 'عادي جدًا التردد في لبس الحجاب، وبفكر الناس إن في أيام الصحابة كان في ناس ارتدوا عن الإسلام ورجعوا تاني، وأنا مش بقارن، بس بقول إن ده شيء طبيعي'.

وأردفت عبير الشرقاوي قائلة: 'ربنا يكون في عونها، هي محتاجة تبقى أقوى من كده، والفتنة ممكن تيجي لأي حد، ومحدش كبير عليها، كلنا معرضين لابتلاءات وضعف، والمهم في الآخر الإنسان يرجع لربنا بقلب صادق'.

يذكر أن حلا شيحة أعلنت مؤخرا عن إطلاق قناة لتفسير القرآن الكريم عبر موقع يوتيوب.

قالت حلا شيحة في أول فيديو نشرته: 'سعيدة أوي وأنا بتكلم عن ربنا، وسعيدة إن في ناس بعتالي بتقولي بنحب طريقتك وكلامك واتكلمي أكتر وأنا حاسة إن دي أكتر حاجة بحبها، وأكتر حاجة بتشغلني دايما، وبتشغل بالي وفكري وقلبي، حب ربنا سبحانه وتعالى، والتفكر في آيات ربنا سبحاته وتعالى، فقعدت أفكر ليه معملش أول فيديو ونتكلم فيه عن القرآن الكريم، وسر ارتباطي أنا بالقرآن الكريم، وسر هدايتي بالقرآن الكريم، وإيه الحاجات اللي أثرت فيا وخلتني أحب القرآن جدا، وغيرت حياتي كتير، حتى لما بعدت عن ربنا سبحانه وتعالى بردو قدرت ارجع لآيات جوايا'.

وتابعت حلا شيحة: 'مافيش حد بيحس حاجة حقيفية بتهزه جوا وبيبعد ولو بعد بيبقى عايز يرجع تاني، وسعيدة واتمنى أن الفيديو دا يكون في كلام عن القرآن الكريم مش من منطلق الداعية والمفسرة، من منطلق التجربة، ومش هنقف طبعا عن كل الآيات نتدبرها، هنقف عند بعض الآيات اللي أثرت في مشواري أنا وخلتني أنا دلوقتي أبقى هنا'.