محمد سامي يشيد بفيلم "سيكو سيكو": اتبسطت بكل لحظة في الفيلم

أشاد المخرج محمد سامي بفيلم 'سيكو سيكو' وكل صناعه.

وعبر محمد سامي عن إعجابه بالفيلم وكتب عبر حسابه على Facebook: 'اتفرجت على فيلم 'سيكو سيكو' على يانجو بلاي، عمر المهندس وعصام عمر مش معقول حلاوتهم، مبدئيا عمر المهندس مخرج كبير وشاطر ولذيذ وإيقاعه يجنن، عنده قدرة رهيبة على التسلية والحكي الرشيق وتوجيه الممثلين، بجد برافو على كل حاجة عمر عاملها في الفيلم'.

وتابع محمد سامي: 'أما بقي عصام عمر، فأنا مؤمن إن شاء الله السنين اللي جايه بتاعته، هيكون من أهم نجوم السينما بلا منازع، مركز في كل تفصيلة وموهوب وذكي وقبوله رهيب وفارق جامد جدا، وهو جوه كل مشهد، بيعرف يدي طاقة تملي المشهد سعادة وكمان طاقته بتطول الممثلين اللي معاه في المشاهد، اتبسطت بكل لحظة في الفيلم وكمان طه الدسوقي ممثل شاطر جدا وكوميديان هايل وتلقائي وممثل هايل'.

وأكمل محمد سامي: 'وباسم السمرة عبقري كالعادة وكل الشباب اللي مع عمر المهندس وعصام عمر وطه الدسوقي في الفيلم هايليين وعاملين شغل حلو أوي مبروك ليهم كلهم وإن شاء الله يكون ليهم مستقبل جميل'.

يذكر أن آخر أعمال محمد سامي كان مسلسل 'سيد الناس'.

مسلسل 'سيد الناس' من بطولة: عمرو سعد، إلهام شاهين، ريم مصطفى، أحمد زاهر، أحمد رزق، إنجي المقدم، منة فضالي، خالد الصاوى، نشوى مصطفى، سلوى عثمان، رنا رئيس، بشرى، ياسين السقا، ملك أحمد زاهر، سليمان عيد، محمود قابيل، علياء صبحي، يوسف رأفت، جوري بكر، إنجي كيوان، ساندي علي، دعاء حكم، إسماعيل فرغلي، مدحت تيخا، محمد عبد الجواد، ومن تأليف وإخراج محمد سامي.