هالة صدقي: محمد سامي كان جاري وبيطلع وينزل معايا في الأسانسير ومعرفش أنه هو

تحدثت الفنانة هالة صدقي عن تعاونها مع المخرج محمد سامي وإعجابها الكبير له، وكشفت سرا عن علاقتها به.

وقالت هالة صدقي خلال لقائها في برنامج 'كلام نواعم': 'محمد سامي كان بالنسبة ليا هدف، كنت لما بشوف أفلام يوسف شاهين أقول أنا شبه الكاركتر بتاعته أنا إزاي مشتغلتش معاه، محمد سامي نفس الحكاية أنا متابعاه بدقة وقلت أنا نفسي اشتغل معاه مع أن هو كان جاري وبيطلع وينزل معايا في الأسانسير ومعرفش أن دا محمد سامي'.

وأكملت هالة صدقي: 'هو بني آدم موهوب ولما بيلاقي حد مصحصح معاه ومركز معاه هو نفسه بيبقى في السما وبياخدك ونطلع السما إحنا اندمجنا جدا مع بعض وبعشقه على المستوى الشخصي والفني بحبه أن هو بيحب شغله ومتمكن منه وكل حواسه مركزة في الشغل'.

وكشفت هالة صدقي خلال اللقاء عن الاختلافات التي تشعر بها في الوسط الفني بين فترة الثمانينات التي بدأت بها والآن وقالت: 'في الثمانينات كنا بنحب شغلنا وكان في تدقيق بنعمل بروفات ترابيزة وبتتعرفي مين النجوم اللي معاكي وبنعمل بروفات كتيرة بندخل نصور وبنكون جاهزين، دلوقتي بندخل المسلسل أو الفيلم أنا معرفش مين البطل اللي قدامي معملتش معاه بروفة معرفش طريقة تمثيلة وأدائه إزاي فتقابل الناس في الاستديو أول مرة، زمان في كاتب ليه أسلوبه في الحوار، دلوقتي الورش لما أجي اقرأ ألاقي دا مش أسلوب اللي كاتب حكاية الورش مش بفضلها حاجة جديدة مفيهاش ابداع'.

يذكر أن هالة صدقي شاركت في رمضان 2025 بمسلسل 'إش إش'.

مسلسل 'إش إش' من بطولة مي عمر، ماجد المصري، انتصار، إدوارد، هالة صدقي، دينا، شيماء سيف، طارق النهري، عصام السقا، علاء مرسي، محمد الشرنوبي، ندى موسى، إيهاب فهمي، حمدي هيكل، أحمد عبدالله، وعدد من ضيوف الشرف وهم: محمد ممدوح، خالد الصاوي، كريم فهمي، محمد عبدالرحمن، أحمد زاهر، والعمل من تأليف وإخراج محمد سامي.

كما شاركت هالة صدقي في مسلسل 'قهوة المحطة'.

مسلسل 'قهوة المحطة' بطولة أحمد غزي، وبيومي فؤاد، وأحمد خالد صالح، وانتصار، وهالة صدقي، ورشدي الشامي، وضياء عبد الخالق، تأليف عبد الرحيم كمال، وإخراج إسلام خيري.

لو فاتك: هتتصرف ازاي لو لقيت نفسك مسئول عن نادي كبير وانت مالكش فيها؟؟ شوف 'ابن النادي' هيعمل ايه؟