لايف ستايل
موقع كل يوم -في فن
نشر بتاريخ: ١٤ شباط ٢٠٢٥
حكى الفنان أحمد جمال كيف تعرف على خطيبته فرح الموجي.
وقال أحمد جمال خلال استضافته وخطيبته فرح الموجي في برنامج 'معكم' مع منى الشاذلي: 'قلت أخطف كله ورا بعض عشان ابدأ السنة الجديدة بداية حلوة، أنا عرفت فرح وهي كبيرة ما شفتش The Voice Kids ومعرفش أنها بتغني كل دي مفاجأت حصلت بعدين'.
وتابع أحمد جمال: 'الحكاية بدأت أن صديق مشترك لينا كان عامل عزومة أنا كنت رايح وهي مكانتش هتروح، وأنا في نص الطريق عرفت أن العزومة اتأجلت ليوم تاني، وللنصيب لما العزومة اتأجلت اتقابلنا، أنا مأخدتش ساعة كنت واخد القرار، أنا مبينتش حاجة حتى متكلمناش، كلمت صديقنا المشترك سألته سؤالين فرح مخطوبة قالي مش عارف، قلت له خلاص أنا هخطب فرح لما تعرف قولي'.
وأكمل أحمد جمال: 'أنا أعرف والدها المايسترو حمادة الموجي، بس حبيت أن الموضوع يجي بطريقة غير مباشرة عن طريق أصدقاء، وطول الوقت دا أنا مكنتش أعرف أنها بتغني، كنت أعرف معلومات عادية زي درست إيه وعيلتها مين لحد ما قالتلي'.
وحكت فرح كيف تقرب منها أحمد جمال وقال:' لما قالولي أنا مفهمتش، هو قعد يحاول يفتح كلام معايا بتحبي إيه وبتعملي إيه في حياتك، وقالي تعالى نتصور مع بعض وطلب مني الإنستجرام وبعدها طلب الواتس اب عشان الصور كتير وإديته رقمي بحسن نية مكنش في بالي حاجة، ولما روحنا بدأ يتكلم معايا'.
وكان أحمد جمال احتتفل بخطبته في يناير الماضي.
المطربة فرح الموجي هي حفيدة الملحن محمد الموجي وابنة المايسترو حمادة الموجي.
