شريف مدكور يرد على انتقادات حديثه عن عذاب القبر: أنا أتكلم في الدين براحتي

رد الإعلامي شريف مدكور على الانتقادات التي وجهت له بعد حديثه عن عذاب القبر.

وكتب شريف مدكور عبر حسابه على Facebook: 'أنا أتكلم في الدين براحتي أقول اللي أنا عاوزه مدام مش بكفر حد والحاجة الوحيدة اللي مش من حق مخلوق يقولي متتكلمش فيها هي ديني، على الأقل أنا ببحث وبجتهد علشان أزود إيماني ويقيني والله أعلم'.

وأضاف شريف مدكور: 'أنا مش خروف همشي ورا كلام حد كل واحد يلم نفسه على الأقل أنا مش بتاجر ولا بعمل سبوبة من ديني وربنا عارف نيتي وهو اللي بيحاسب في الآخر'.

وتابع شريف مدكور: 'ورجاء محدش يدخل على الخاص ويكتبلي أن الدين ده دراسة وعلم خلي كل واحد في نفسه أرجوكم والناس اللي عماله تضحك على الكلام أنتم عيال قوي علشان مفيش في الكلام حاجة تضحك'.

وكان شريف مدكور تحدث عن عذاب القبر قائلا: 'قال تعالى((( كل نفس ذائقة الموت وإنما توفون أجوركم يوم القيامة ))) قال يوم القيامة ولم يقل وإنما توفون أجوركم في القبر، أو يقول وإنما توفون بعض أجوركم في القبر، أو يقول وإنما ستتعرفون على مقاماتكم في القبر، هذه الآية الكريمة الصريحة و الواضحة تأكد وتبين لكل من يتدبر القرآن أنه لا يوجد أي شيء في القبر'.

يذكر أن شريف مدكور يقدم بودكاست 'ع الرايق' الذي تنتجه الشركة المتحدة للخدمات الإعلامية، بالإضافة إلى برنامج '4 شارع شريف' عبر قناة الحياة.