أنوسة كوتة تتحدث عن الليلة الأخيرة للراحل محمد رحيم.. تفاصيل صادمة

كشفت مدربة الأسود المصرية أنوسة كوتة تفاصيل الليلة الأخيرة في حياة الفنان الراحل محمد رحيم، وتحدثت في أحدث ظهور إعلامي عن خفايا عديدة تربطها بزوجها.

وتوفي الملحن والمغني الشاب في نوفمبر/تشرين الثاني 2024 بعد إصابته بنوبة قلبية حادة، ليفارق الحياة عن عمر ناهز 45 عامWا.

ماذا قالت أنوسة كوتة عن تفاصيل الليلة الأخيرة في حياة محمد رحيم؟

قالت أرملة الفنان الراحل محمد رحيم إن زوجها تحدث إليها هاتفيًا ليلة وفاته؛ لأنها كانت في محافظة السويس مرتبطة بـ3 عروض سيرك هناك، موضحة أنه قال لها إنه يشعر بالتعب.

وأضافت كوتة، في حديثها لـ'إيجي بودكاست': هو لما بيتعب بالشكل ده، بتحصله حاجة كده، وبعدها لازم ينام 12 ساعة، وقولتله ادخل نام وكده كده أنا جاية.

وتابعت: خلصت 3 العروض اللي كنت ملتزمة بيها، وكانت الساعة 12 منتصف الليل، فكلمته بس كان مابيردش، وكلمت مساعده قولتله اطلع اكسر الباب عشان خايفة يكون جاتله غيبوبة.

وأكملت: طلع فعلا كسر الباب ودخل عليه، وفجأة لقيته قال يا نهار أسود، وقفل السكة في وشي، فانا مافهمتش في ايه، وكلمت أبويا وأمي لأنهم ساكنين قريب من بيتي، وقولتلهم روحوا بصوا عليه.

وقالت أرملة الراحل إن طليقة محمد رحيم وأولاده وصلوا منزلها قبل وصولها لأنها كانت في سفرها بالسويس، وأخذ الطريق وقتا حتى وصلت لمنزلها، مضيفة: أنا وصلت آخر واحدة.

وعن تلقيها خبر وفاة زوجها، قالت أنوسة: لما رحيم ماردش وحصل اللي حكيته، عمر ما جه في دماغي إن اللي حصل حالة وفاة، كان من رابع المستحيلات بالنسبة لي، برغم تعبه وحالته لأننا كنا متعايشين مع حالته المرضية بقالي 7 سنين.

وتابعت: لما عرفت بخبر الوفاة جاتلي صدمة، ودخلت عليه وفضلت نايمة جنبه ساعتين، لحد ما جه الفنان تامر حسني ونام فوق دماغي، وجه بعدها أصدقاؤه من الوسط كله، خاصة الفنانة أمينة اللي بعتبرها أختي.

وتابعت: مصر كلها كانت معايا وفوق دماغي، بس وقتها أنا كنت مغيبة ومش مركزة في أي حاجة بتحصل.

وتحدثت أنوسة كوتة عن الوقت الذي قضته بجواره قبل دماغه، وقالت: اتكلمت معاه كتير وقولتله سبتني ليه ومشيت ليه وانت عارف إني ماقدرش أعيش من غيرك، ولحد النهارده بروح أزوره وأقوله نفس الكلام، وأنا بروحله المدفن على طول وبحب أقعد هناك كتير.

وتابعت: لو محمد رحيم كان موجود ماكنش حصلي كل اللي أنا فيه دلوقتي، أنا ست مقهورة ومسالمة وعمري ما كان اسمي بيتذكر في مشاكل، بس الفترة الأخيرة اسمي مابيتذكرش غير في مشاكل بس، يعني أنا ايه يدي في وفاة رحيم؟.

وتطرقت أرملة الملحن محمد رحيم عن ميول نجلها كنز إلى الأسود مثلها، مشيرة إلى أنه لا يحب الغناء على عكس والده وشقيقاته الفتيات ماس وهارتي.

وقالت أنوسة كوتة: كنز بيحب الأسود طالعلي مش زي باباه هو بعيد عن الغناء، بس لما بيجي معايا السيرك بيفضل يلعب مع الأسود الصغيرة وبسيبه معاهم في القفص لكن مبيلعبش مع الأسود الكبيرة غير في وجودي.