لايف ستايل
موقع كل يوم -في فن
نشر بتاريخ: ١ أذار ٢٠٢٦
استعادت الفنانة علا رامي ذكريات بداية تعرفها على الفنان محمد رمضان عندما كان طفلا صغيرا يريد المشاركة في مسرحية للأطفال كانت هي بطلتها.
وحكت علا رامي خلال لقائها في برنامج 'بين السطور': 'محمد رمضان ابني التاني كنت بعمل مسرحية للأطفال زمان والمفروض البطل ولد عنده 11 أو 12 سنة، وقتها محمد رمضان كان عنده 9 سنين فكان أصغر من الدور، لكن كان بيجي ويحضر البروفات وعايز أوي يمثل'.
وأكملت علا رامي متحدثة عن الهجوم الذي يتعرض له بين الحين والآخر: 'محمد رمضان بيتعرض لهجوم بسبب السلوكيات بتاعته هو بيعمل حاجات كتير وبعدين بيرجع يعتذر عنها ويقول مكنش يصح، زي لما بيطلع لابس حاجة مش لايقه أو يستعرض عربياته، طيب ما بلاش من الأول'.
وأضافت: ' لكن هو اجتهد والحمد لله قدر يحافظ على الاجتهاد والنجومية اللي وصلها لكن مش بحب كلمة 'نمبر وان' لأن كل واحد 'نمبر وان'.
وخلال اللقاء عرضت صورة شقيقتها الفنانة سحر رامي على الشاشة وتم سؤالها إن كان هناك غيرة فنية بينهما كونهما شقيقتان في الوسط الفني.
وقالت علا رامي: 'مفيش غيرة فنية بيني وبين سحر رامي أختي، هي اتشهرت قبلي عملت فوازير 'فطوطة' وبدأت الاحتراف التمثيلي قلبي، لما أنا اتجوزت وسافرت ورجعت وخلفت مبدأتش تمثيل بسرعة كان بعدها بـ4 سنين لما بدأت أمثل كان ممكن يتعرض عليها دور تقولهم خدوا علا هي أنسب للدور هي ساعدتني'.
