تامر أمين يهاجم "الموسيقيين" بسبب شيرين عبدالوهاب (فيديو)

شنّ الإعلامي تامر أمين، خلال تقديمه برنامج 'آخر النهار' على قناة 'النهار'، هجوماً على بيان نقابة المهن الموسيقية بإحالة المطربة شيرين عبد الوهاب الى التحقيق، بعد حديثها عن الملحن الراحل محمد رحيم.

وقال تامر أمين: 'شيرين عبد الوهاب عملت قبل كده أفعال كانت تستدعي بيان قوي من نقابة الموسيقيين زي اللي طلع بشأن واقعة محمد رحيم ويمكن وأشد منه 50 مرة، ومكنش فيه أي إجراء'.

وأضاف: 'أنتم جيتم في المرة الوحيدة اللي شيرين عبد الوهاب نيتها خير تماماً بعد زلة لسان طبيعية كلنا معرضين ليها بشكل عادي، وإن شيرين راجعة من أزمة نفسية شديدة تستحق إن كلنا نطبطب عليها ونقف جنبها وندعمها علشان منخلصش عليها جايين في الظرف الإنساني النفسي ده وتعملوا البيان ده وتحولوها للتحقيق وتسنّوا السكاكين!'.

واختتم تامر أمين حديثه بالقول: 'الحسم والحزم في مكانهما عدل أما في غير مكانهما فقسوة، شيرين غلطت ولكن مش ده الغلط المقصود منه الاستهانة بالموت أو الفن أو المسرح أو بمحمد رحيم، قبل كده كان فيه لكن دلوقتي بالعكس بتعمل لفتة لطيفة وبتترحم على فنان محترم شاركها أغاني كتير'.

وكانت نقابة المهن الموسيقية برئاسة الفنان مصطفى كامل، قد أصدرت بيانا صحافياً شديد اللهجة، أعلنت من خلاله إحالة شيرين الى التحقيق بعد أزمة زلّة اللسان في حفلها بالكويت خلال حديثها عن الملحن الراحل محمد رحيم وقولها للجمهور: 'محمد رحيم عمل لي أغنيات حلوة كتير، منها مشاعر وصبري قليل والوتر الحساس، ممكن تقرأوا له الفاتحة كلنا عشان تبقى سيئة جارية'.