لايف ستايل
موقع كل يوم -في فن
نشر بتاريخ: ٣ أيار ٢٠٢٦
تحدث الفنان محمد أنور عن الحريق الضخم الذي تعرض له موقع تصوير مسلسله 'بيت بابا 2'، ووصفه بالمرعب.
وقال محمد أنور في تسجيل صوتي لـET بالعربي: 'أولا قدر الله وما شاء فعل الحمد لله رب العالمين على كل شيء والحمد لله رب العالمين أن كل الناس خرجت سليمة وكويسة ودا الأهم، الموضوع كان مرعب وصعب جدا'.
وتابع محمد أنور: 'كان الديكور في فوق الـ100 بني آدم كلهم متجمعين في مكان واحد والحريقة دي حصلت في دقيقة وفي ظرف دقيقة أو دقيقتين كان المكان كله اتفحم فلو لا قدر الله لو الناس مخرجتش بسرعة لأي سبب كان ممكن يحصل خساير في الأرواح فاللهم لك الحمد أن الخساير مادية'.
وأكمل محمد أنور: ' كنت لسه بكلم حد من شركة الإنتاج وقالي مش مهم أي حاجة المهم أن الناس خرجت بالسلامة دي أهم حاجة في الموضوع لأن كلنا رايحين عشان ناكل عيش يبقى أهم حاجة أن الناس ترجع لبيوتها سليمة وكويسة ودا اللي حصل، مش مهم أي حاجة في الدنيا أي خساير تتعوض لكن البني آدم اللي مكانش يتعوض، الموضوع كان صعب وضخم لأن اللوكيشن كبير والحريقة كانت ضخمة'.
تدور أحداث مسلسل 'بيت بابا' في إطار كوميدي حول ناظر مدرسة يتقاعد ويحول اهتمامه إلى منزله وعائلته 'المثالية'، ليكتشف أن التفاحة لم تسقط بعيدا عن الشجرة فحسب، بل تدحرجت نحو الفوضى. تنكشف الأسرار وتسقط الهالات وتصبح معالجة الخلل أصعب من إدارة مدرسة بأكملها.
مسلسل 'بيت بابا' بطولة محمد أنور، محمد محمود، انتصار، مريم محمود الجندي، سامي مغاوري، هلا السعيد، عبد الرحمن حسن، سليم الترك، أحمد عبد الحميد، جان رامز، نادين خالد، مالك عماد، رانيا محمود ياسين، محسن صبري، محمد خميس، تأليف أمين جمال وإخراج محمد عبد الرحمن حماقي.
نرشح لك: المخرج الكبير خيري بشارة: سبت تصوير فيلم كابوريا وكنت هعتزل السينما لولا حسين الإمام
