أبرز تصريحات منة شلبي في ندوتها التكريمية في مهرجان الجونة ... كريم الشناوي أدارها

أجرت النجمة منة شلبي ندوتها التكريمية في مهرجان الجونة السينمائي في دورته الثامنة في الجمعة 17 أكتوبر الجاري، وأدار الندوة المخرج كريم الشناوي.

وخلال الندوة قالت منة شلبي:

اول فيلم مثلته مكونتش عارفة اني همثل جربت في الناس ونجحت

— الممثل بيشيل هموم مش بتاعته بخلص الدور الاقي نفسي تعبت

— لحد ما أموت هفضل أمثل بمنطق إني هاوية بأجر محترف

- لو عندي لحظة من الغرور هتكون اني لحقت امثل مع يوسف شاهين مفيش حد من جيلي لحقه

- اهم حاجة في النجاح انك متركزش فيه تمتنله لحظة وتنساه لانك لو وقفت عنده هيعطلك

ووجه كريم الشناوي سؤالا لمنة شلبي،ق قائلا: 'بما اني لسة مشتغلتش معاكي، ايه اللي بيخليكي توافقي على دور معين؟'

وأجابته منة شلبي: 'أوقات بختار غلط ممكم اعتذر عن حاجة وتطلع كويسة وده انتصار لصناع العمل، متعرفش تمثل وانت الايجو بتاعك عالي هيكتفك جدا وهيخليك جادجمينتال ودي حاجة سخيفة جدا'.

- احساسي هو اللي بيخليني اوافق على الأعمال اني اصدق البنت دي موجودة ولا لا

- في مسلسل بطلوع الروح إلهام شاهين كانت رافضة تضربني بالكورباج فقبل المشهد سمعت صوت حد بيصوت روحت لقيتها بتجرب الكورباج في كاملة أبو زكري وتقولها قوليلي يا كاملة بيوجع عشان منة