محمود سعد يكشف تطورات الحالة الصحية لـ أنغام: هتشيل جزء من البنكرياس

كشف الإعلامي محمود سعد تطورات الحالة الصحية للفنانة أنغام.

وكتب محمود سعد عبر صفحته على Facebook: 'آخر أخبار أنغام الصحية علشان نطمن جمهورها، الدكاترة في البداية شالوا جزء من الكيس اللي على البنكرياس وبعد شوية قرروا يشيلوا الكيس كله مع جزء صغير من البنكرياس وهي بخير وهتعمل العملية دي بكرة الصبح، فأرجو أن أنتوا تدعولها ربنا يشفيها ويقومها بالسلامة'.

وكان محمود سعد كشف تفاصيل جديدة عن الحالة الصحية للفنانة أنغام وطالب الجمهور بالدعاء لها.

وقال محمود سعد: 'هكلمكم عن صديقتي العزيزة الغالية أنغام كان بينا اتصال وأنا بتابع معاها كل يوم، مرات بكلمها ومرات بكلم عمر ابنها الكبير وبيطمني عليها، بس هي الحقيقة تعبانة وفي ألم جامد وبتمر بتعب جامد، لأن في مشاكل إن شاء الله يمكن بعد 3 أو 4 أيام نقدر نشوف، ادعولها لأنها بتمر بألم عنيف'.

وتابع محمود سعد: 'الحكاية صعبة لكن إن شاء الله مفيش حاجة خطر لكن في ألم ومش عارفين إيه هيحصل يوم الأربع والخميس اللي جايين، هي دلوقتي في المستشفى وقاعدة لآخر الأسبوع إن شاء الله ومعاها ولادها وأصحابها أنا عايزكم تدعولها ربنا يخفف عنها هذا الألم عشان تعبر هذه الأزمة الصحية العنيفة'.

وكان المكتب الإعلامي للفنانة أنغام أصدر مؤخرا بيانا نفى فيه شائعات إصابتها بسرطان الثدي.

وجاء في البيان: 'ينفي المكتب الإعلامي للنجمة الكبيرة أنغام كل الشائعات التي تم تداولها حول حالتها الصحية وأنها مصابة بسرطان الثدي. نود أن نشير أن المطربة أنغام ستقوم بالسفر إلى ألمانيا لإجراء فحوصات طبية على البنكرياس، وعقب عودتها ستقوم بتسجيل أغنيات جديدة استعدادا لطرحها هذا الصيف'.