فاروق فلوكس يكشف تفاصيل إصابته بأزمة قلبية بسبب مها أحمد

أدلى الفنان فاروق فلوكس بتصريحات مثيرة للجدل في برنامج 'المنسي' الذي تقدمه الإعلامية إنجي هشام، كاشفا عن تفاصيل إصابته بجلطة في القلب، متهما الفنانة مها أحمد بأنها السبب وراء ذلك.

وقال فلوكس 'جالي جلطة في القلب بسبب مها، كنت شغال معاها في مسلسل، أنا مكنتش عارف أني بشتغل مع مارلين مونرو علشان يحصلي كده في السن ده، هو أنا هروح أعاكسها وهي ترفضني ويجيلي جلطة؟ إيه المنطق الغريب ده؟'.

وتابع فلوكس 'المشهد اللي أنا انسحبت علشانه كانت في مكان وأنا في مكان، وربنا يسامحها وأنا مسامحها، وحجة البليد مسح التختة، أنا فعلًا جالي جلطة وعملت عملية في القلب، وهي علقت على جملة أنا بقولها وهو ده الموقف، ودي زي بناتي الصغيريين ومش نجمة كبيرة أوي، وهي سابت التمثيل شوية واشتغلت مذيعة، وبعدين سابت شغل المذيعة، وأنا مقدر ظروفها وظروف ابنها، وربنا يسامحها'.

وعن حقيقة تأجيله دفن والدته حتى يكمل عرض مسرحيته، قال فلوكس 'أنا مأجلتش دفن والدتي هي اتوفت الساعة 5 وتلت، وكان صعب تدفن الساعة 7، وكنت شغال مسرحية وقالولي ممكن نوقف وروحت اشتغلت وكانت من أصعب الليالي في حياتي'.

وتحدث فلوكس عن أمنيته في الفن، قائلا 'طول عمره في عالم الفن كان يتمنى نجاح أي عمل ودور يقدمه، وأن النحومية 'مبتجيش كده'.

وبيّن فلوكس بأن الفنان يجب أن يحظى بالحب من الجمهور ويختار نصا جيدا ويتقمص دوره بشكل جيد جدا، موضحا أنه لم يكن يريد أن يكون نجما في عالن التمثيل، لكن الدور الذي يقدمه في شخصياته لا أحد يستطيع أن يقدمه كما يفعل هو.

وتحدث فلوكس، عن فترة غيابه عن الساحة الفنية والتي وصلت لخمس سنوات، مؤكدًا أن الجيل الجديد يرفض تشغيل الجيل القديم، بجانب الكشف عن تفاصيل خلافه مع الفنان عبد الرحمن أبو زهرة.

وقال فلوكس خلال اللقاء 'عبد الرحمن أبو زهرة في بيني وبينه خلاف، ولكن هو فنان عن حق مبيشتغلش ليه؟، وعبد الرحمن أبو زهرة كنا بنصور مسلسل في شقة فخمة ولكن الريحة كانت وحشة جدًا وأنا اتكسفت أقول للمخرج نخلص بسرعة علشان التنفس، وعبد الرحمن دخل يقول كلام كتير في المشهد قولتله هي ندوة؟ قالي أه ندوة مش عاجبك امشي، ودي اللي زعلتني منه أوي'.