محمد فؤاد عن أزمة ألبومه: كان نفسي يدوقوا "العلقة" ويعرفوا يعني إيه فؤش

تحدث الفنان محمد فؤاد عن أزمة ألبومه الذي انتقل للمطرب عمر كمال.

وقال محمد فؤاد في لقاء مع ET بالعربي: 'أنا مفيش أي حاجة اعتذرت عنها ومفيش منتج أساسا ودي الكوميديا الساخرة يا جماعة مفيش منتج عشان يتقال فكينا ولا لأ ولو في منتج بجد كان طلع وقال أنا المنتج وحقي'.

وتابع محمد فؤاد: 'السوشيال ميديا بتضحك على الناس بسهولة جدا وأنا التزمت الصمت لأن بجد أنا كان نفسي يدوقوا العلقة بمعنى الكلمة ويعرفوا يعني إيه فؤش'.

كما تحدث محمد فؤاد عن الأغنيات الجديدة التي طرحها تزامنا مع العام الجديد ورد فعل جمهوره عليها وقال: 'رد الفعل طيب جدا وحاجة أنا متوقعها لأن أنا اللي فات من الجمهور يبين محمد فؤاد لو نزل حاجة هيعملوا إيه هما مستنين شوية بس أسلحة عشان يعرفوا يتكلموا بجد، سلاحنا دايما الإبداع هما عايزين يلا يا فؤش ورينا عشان نعرف نتكلم ونسكت أي حد ممكن يتشعلق في اسمك بشكل خاطئ'.

وكان عمر كمال تحدث عن انتقال ألبوم محمد فؤاد إليه وقال: 'بعد ما محمد فؤاد اختار الألبوم والمنتج صرف كتير قال لا مش هشتغل عاوز أغاني جديدة لأن الناس اللي اشتغلت معاه معظمها فريق عمرو دياب، وقال عاوز أغاني غير دي، والمنتج رفض، لأنه صارف حوالي 15 مليون جنيه أو 13 مليون جنيه، ومش أنا اللي خدت الألبوم، لكن تم اختياري من فريق العمل ورشحوني للمنتج المحترم اللي دفع كتير ومالوش علاقة بالوسط وصاحب شركة مقاولات وتصميم معماري وأنتج الألبوم في حب زميله محمد فؤاد، طيب هيعمل إيه بالأغاني، فلجأ للصناع فقالوا له عمر كمال كويس جد'.

يذكر أن محمد فؤاد طرح خلال الأيام الماضية أغنية 'يا فؤش' و'في قربك'.

لو فاتك: الحلقة الثانية من برنامج 'غالب ولا مغلوب' ... المنافسة دخلت مراحل مهمة ومفاجآت في النتايج ‍♂️