محمد هنيدي يعلق بعد انتشار نبأ مرضه!

علق الفنان المصري محمد_هنيدي، على نبأ تعرضه لأزمة صحية في القلب، والذي انتشر عبر السوشيال ميديا صباح اليوم.

طمأن هنيدي جمهوره عليه، بعد نشر طبيبه المعالج صورته من داخل المستشفى، مشيرًا إلى أنه خضع لقسطرة في القلب وحالته الصحية جيدة وبخير، موضحًا أن الصورة المنتشرة قديمة وكانت أول شهر_رمضان.

قال هنيدي عبر فيديو نشره على صفحته: 'مساء الخير وكل سنة وحضراتكم طيبين وبخير، حبيت أطمن حضراتكم أني بخير وفي بيتي وزي الفل، والخبر ده قديم، والموضوع كان أول رمضان وكانت قسطرة بسيطة عملها لي الدكتور حسام الحصري علشان يطمن عليا والحمد لله كله زي الفل'.

اضاف: 'اتخضيت ولقيت نفسي متصدر تويتر، وأنا ما عملتش حاجة، كنت نايم ولسه صاحي وقلت يمكن علشان الكنيش محدش لسه شافه، وربنا يخليكم ويسعدكم وكل سنة وحضراتكم طيبين شكرا'.

وكان الطبيب المعالج للفنان محمد هنيدي نشر صورة له من داخل المستشفى، وكشف أن الفنان خضع لعدة فحوصات وتحاليل، موضحًا: اطمنا على الشرايين التاجية للفنان محمد هنيدي، اللي أسعد الناس بتلقائيته وعفويته وعدم خدش حياء المصريين، اطمنا على الشرايين التاجية والدعامات، اللي كنا صلحناها قبل كده في ليلة من ليالي رمضان برضه من كام سنة، والحمد لله قلبه زي الحديد، وربنا يجعله سبب لسعادة الناس في الخير.