بكلمات قاسية.. مايا دياب تشنّ هجوماً على بعض المشاهير

شنّت النجمة مايا دياب هجوماً على بعض مشاهير السوشال ميديا الذين يصنفون أنفسهم بأنهم 'الاول'، ودعت من خلال منشور طويل إلى ضرورة مراجعة تاريخ الإنجازات الحقيقية للبشرية.

وعبّرت المغنية اللبنانية عن انزعاجها من الوضع الحالي وما يحصل على السوشيال ميديا والاعلام من خلال تغريدة كتبت فيها: 'زمن الانحطاط على كل أنواعه. زمن كل شي بلا قيمة عم يعملولوا قيمة. زمن كل أهبل على السوشيال ميديا بصنف حاله أول. قالوا مين فرعنك يا فرعون، قال: تفرعنت وما حدا ردني. ايه نحنا هون، اللي كنا نضحك عليهم صاروا مش بس مشهورين وكمان التلفزيون بلبنان بطلعوا ضيف وبيعمل معه حلقة وبينشر الفضيلة مش بس عالتلفون انما ايضا عالشاشة الكبيرة'.

وأصافت: 'زمن رديء، يلا بقول اللي عندي وبعطي نصايح وبينتظروا رأي المهبول. زمن ناس ما تعلمت وكملت علمها طالعة تنصب حالها دكتور او اخصائي بشي ممكن يؤذي الناس'.

وتابعت رسالتها القوية قائلة: 'اللي مفكّر إنه الزمن اليوم متطور أكثر من قبل بكون غلطان.. روحوا شوفوا القلاع والآثار كيف تعمّرت اللي لليوم ما عرفوا كيف تم إنشاؤها.. روحوا شوفوا كيف تم بناء الأهرامات شوفوا قوة وذكاء القدماء وكفى تحكوا عن إنجازات سخيفة وهبلة عم تخلي الأجيال بلا عمل وبلا رغبة بالإنتاج إلا على منصات بتعطيهم المال اللي ما كانوا شايفينه بحياتهم بطرق سريعة وسهلة'.

وختمت تغريدتها: 'صاروا أصحاب ماركات وأملاك وهم ما بيعرفوا يفكّوا الحرف.. لوين بعد رايحين؟؟'.

تفاعل المتابعون بشكل واسع مع تغريدة مايا دياب الغاضبة وعبر العدد الأكبر منهم عن سعادتهم بكلماتها التي تعبر عنهم وعن موقفهم من الوضع الحاصل وما يفعله مشاهير السوشيال ميديا وتأثيرهم على الجيل الصغير، في حين تساءل البعض الآخر عن الشخص الذي تقصده وما إذا كانت توجه كلامها لشخص محدد.