تامر حسني يرد على شائعات تعرضه لخطأ طبي

علق النجم تامر حسني على الأخبار المنتشرة حول تعرضه لخطأ طبي أثناء رحلة علاجه.

كتب تامر حسنى، عبر خاصية Story على حساباته الرسمية على مواقع التواصل الاجتماعى: 'حبايب قلبى اللى مسابونيش لحظة، جمعة مباركة على الجميع يا رب، حابب بس أوضح حاجة، لا صحة لكل من يروج أن هناك خطأ طبيا، أنا الحمد لله وبفضل الله بتحسن كل يوم، والمتابعات قائمة بين مستشفى ألمانيا ومصر، وإشادات قوية جدًا من مستشفى ألمانيا فى حق الدكاترة المصريين.

وتابع تامر حسني: أكيد بعدى بأيام صعبة لأنها فعلًا عملية كبيرة جدا، بس بكرم ربنا ثم دعواتكم بعدى منها بأمر الله.. كل الشكر ليكم يا أغلى الناس.

وكان تامر حسني كشف عن خضوعه لعملية جراحية قبل أيام قام فيها باستئصال جزء من الكلى.

وكتب تامر حسني عبر حساباته بمواقع التواصل الاجتماعي: 'مكنتش ناوي أتكلم في أموري الشخصية بالعكس كنت بحاول أبان عادي بس بما إن الخبر تم تداوله .. أنا بقالي فترة بعاني وعندي أزمة صحية في الكلى ومن أيام احتجت للتدخل الجراحي الفوري وتم استئصال جزئي من الكلية والحمد لله على كل حال .. شكرا لكل اللي بيحاول يطمن عليا شكراً لكل اللي دعالي وبيدعيلي'.

يذكر أن تامر حسني كان قد خضع في أكتوبر الماضي لعملية جراحية في ذراعه.

وطمأن تامر حسني جمهوره وكتب عبر حسابه بموقع Facebook: 'يا صباح الهنا، للي كان بيسأل ومهتم كتر ألف خيرك، دي عملية بسيطة في دراعي بسبب إني قررت أخس 15 كيلو، وغيرت شكل الرياضة خالص بقيت بلعب ألعاب تانية تماماً كلها fitness بس، بس الحماس خدني شوية واتصابت فحصل اللي حصل، والحمدلله ‏كنت بلبس اللي في دراعي دي شوية وبشيلها بس خلاص النهارده بالليل هشيلها خالص، وشكراً حبايب قلبي على اهتمامكم يارب مشوفش فيكم أي سوء'.

من ناحية أخرى، شارك تامر حسني في حفل مهرجان نقابة المهن التمثيلية، وقدم أغنية 'من كان يا مكان' التي تحدث فيها عن نجوم الفن المصري مع عرض فيديو بالذكاء الاصطناعي ظهر فيه عدد كبير من النجوم.

لو فاتك: فن ولا فنكوش - 16 سؤال كل واحد هيجاوب لوحده ... عرفت كام سؤال منهم؟