سارة عبد الرحمن: عايز يبقى شكلك مختلف روح الوكالة

تحدثت الفنانة سارة عبد الرحمن عن أسباب شرائها لملابسها سواء اليومية أو في المهرجانات من الوكالة.

قالت سارة عبد الرحمن: 'أنا طول عمري بروح الوكالة، أو بسرق من أختي هدوم، أو بستلف من بنت خالتي، بتسلفني بصراحة، الوكالة مليانة حاجات مختلفة، وبالنسبة لي، ليه أجيب لبس جديد لما في لبس مستعمل، معرفش؟ وبعدين لما بقيت اتعزم على مهرجانات، بمنتهى الصراحة استفزيت من الضغط الغريب إن لازم طول الوقت ابقى لابسة وعاملة ودا بكم، فقولت طب أنا هلبس بقى على الريد كاربت من الوكالة'.

وتابعت: وحصل، والدنيا قامت مقعدتش، وقولت بكم، لأن كان بالنسبة لي الفكرة إن أبين إنه عادي، ودلوقتي بقى موضوع الوكالة دا فعلا عادي، فأنا سعيدة إني قدرت أشارك إن الناس تبقى أكتر بساطة ونشيل التكاليف، ومش هنضحك على بعض، بجد الوكالة فيها لُقط، ودلوقتي كل حد عايز يبقى شكله مختلف، عايز يبقى شكلك مختلف روح الوكالة، عادي.

يذكر أن آخر أعمال سارة عبد الرحمن كان مسلسل 'لحظة غضب' الذي عرض في رمضان 2024، وشاركت في بطولته مع صبا مبارك، محمد شاهين، ناردين فرج، علي قاسم، سارة عبد الرحمن، ريم خوري، أنس جمال، تأليف مهاب طارق، وإخراج عبد العزيز النجار، وإنتاج تي فيجن للمنتج طارق الجنايني.

تدور قصة 'لحظة غضب' في إطار تشويقي اجتماعي، عن اختفاء 'شريف' زوج البطلة، وتتصاعد الأحداث من أجل البحث عنه.