هنا الزاهد تكشف رأيها في الزواج والغيرة والخيانة: "قلبي اتكسر" (فيديو)

خلال لقائها مع الإعلامي أنس بوخش في برنامج ABtalks، الذي يقدّمه عبر قناته الخاصة في 'يوتيوب'، كشفت الفنانة هنا الزاهد العديد من الأسرار التي تبوح بها للمرة الأولى، إضافة الى رأيها في الزواج والغيرة والخيانة، وأسباب شعورها بانكسار القلب.

وكشفت هنا عن الصفات التي تغيرت في شخصيتها بعد الزواج، قائلةً: 'اكتشفت إني لازم أحافظ على قلبي جداً، وهيبقى صعب جداً حد يدخل حياتي'.

وأضافت: 'عارف لما تبقى قلبك اتكسر أوي، هو حصل له كده، رممته لوحدي وأهلي كإنهم رمموني ووقفوني على رجلي، بس بالليل وإنت نايم لوحدك بتبقى لوحدك. ومفيش حد هيدخل حياتي إلا لو عارفة إنه صح أوي'.

أوضحت هنا الزاهد أنها لا تعاني من عقدة حالياً، قائلةً: 'أنا في أسعد فترات حياتي، والفترة دي مركزة في إني أسعد هنا، وأي حاجة كنت نفسي أعملها بعملها'.

وتحدثت خلال اللقاء عن أهم الأشياء في الزواج قائلةً: 'أهم شيء في الجواز الاستقرار والأمان، وأصعب شيء الفتور لما المشاعر تخلص، بتبقى حياة وحشة'.

ورداً على سؤال كيف يمكن المحافظة على استمرار المشاعر في الزواج، قالت: 'لازم الإنسان يبقى صادق جداً، ولما يبقى عايز يبعد يقول عايز أبعد، ولازم نقول لبعض كل حاجة، وأنا شايفة إن اللي بيحب بجد عمره ما يزهق من اللي بيحبه'. وتابعت: 'ما ينفعش يبقى في أنانية، ولازم تفهم أوي اللي قدامك ويفهمك، ويبقى في إخلاص، ومفيش خيانة بأي الأشكال'.

وتحدثت هنا الزاهد عن الغيرة في الزواج فقالت: 'الغيرة حلوة بس مش الغيرة القاتلة، لو في فتور ومفيش غيرة بتبقى وحشة، وإنك تنام واثق في اللي قدامك إنه عمره ما هيخذلك دي حلوة أوي'.

وعن فترة وفاة زوج والدتها، الفنان طلعت زكريا، قالت: 'زوجي السابق كان بيقولي إنتي زعلانة أوي على وفاة طلعت زكريا ليه؟ بس أنا مكنتش بعتبره مجرد زوج أم... أنا عشت معاه 14 سنة وربّنا عوّضني بيه عن والدي'. وأضافت: 'انفصال والدي ووالدتي وأنا صغيرة خلاني مخي أكبر من سني وبدور دايماً على الراجل اللي أكبر مني وزوجي السابق كان أكبر مني بـ14 سنة'.

وعن طبيعة شخصيتها، وموقفها من الشهرة، قالت هنا الزاهد: 'بيطلع عليّ كلام إني متدلعة وده مش حقيقي، في الأول كنت بحب الشهرة أوي بس دلوقتي بحب شغلي ومهنتي بس مش بحب الشهرة والتصوير، بقيت حابة أنزل كإنسانة طبيعية آكل أوقع على نفسي، أزعق أعمل أي حاجة تخليني إنسانة مش فنانة'.