سلاف فواخرجي: متطلقتش من زوجي ... والدي توفي بسبب خطأ طبي وفكرت أقتل الممرضة

حلت الفنانة السورية سولاف فواخرجي ضيفة على برنامج 'ع المسرح' الذي تقدمه الإعلامية منى عبد الوهاب.

وتحدثت سلاف فواخرجي عن علاقتها بزوجها الممثل وائل رمضان نافية طلاقهما كما تردد لسنوات طويلة، قائلة: 'طلقناش أصلا إحنا أعلننا إننا في حالة انفصال، ولكن نتواصل لحظة بلحظة وحسينا في فترة بيننا كعائلة أننا محتاجين نحافظ على هدوء البيت، حاليًا الحب بيرجع والحياة بترجع ولكن كنا بنمر بفترة صعبة، وكنا عايزين نحافظ على الحب وكنا مع بعض لحظة بلحظة، وصعب الحب الحقيقي يروح لأنه حقيقي وصادق.

وتابعت: من كتر حفاظنا على الحب عملنا الخطوة دي، وصعب تبعد عن شخص كان إنسان حقيقي وبيننا حب، ولو حصل حتى طلاق فالمشاعر باقية وده الحقيقة، وطالما الحب حقيقي يبقى صعب يروح، والزواج والطلاق أكبر من ورقة وفي أحيانا طلاق روحي.

وعن سبب الانفصال، قالت: 'اختلفنا على حاجات كتيرة ممكن تكون حاجات بسيطة زي آراء أو حاجات تانية، وأنا كبرت واتغيرت بعد ما أهلي توفوا، بس حبيت نفسي دلوقتي أكتر يمكن عشان النضج والتجارب اللي مريت بيها رغم صعوبتها'.

وتحدثت سلاف فواخرجي عن وفاة والدها، قائلة: 'والدي توفي بسبب خطأ طبي على يد التمريض، وفكرت في قتل الممرضة في لحظة انفعالية، والدي كان أغلى شيء في حياتي والخطأ كان سخيف جدًا ولكن لا اعتراض على مشيئة الله، وكان مستحيل أقتلها وفي النهاية سامحت والأمر عند الله والموضوع بيوجعني'.

طالع أيضا: ريم رؤوف: أحمد مختار خالي ... وأحمد كمال كان صديقه وكان بيقعدني على حجره ويلعب بيا مع عبلة كامل