رامي صبري ينفي وجود خلافات بينه وبين أبطال "وننسى اللي كان"

نفى الفنان رامي صبري وجود خلافات بينه وبين أبطال مسلسل 'وننسى اللي كان' وهو ما تسبب في اعتذاره عن عدم تقديم تتر المسلسل الذي ينافس في موسم رمضان 2026.

وكتب رامي صبري موضحا عبر خاصية القصص القصيرة في حسابه على Instagram: 'عدم اتفاق وليس خلاف، كل الاحترام لكل أبطال المسلسل ونجومه الكبار بالتوفيق والنجاح'.

وكان رامي صبري أعلن عن عدم تقديمه تتر مسلسل 'وننسى اللي كان' وبدأت شائعات تنتشر عن حدوث خلافات بينه وبين أبطال العمل.

وهو ما دفع المؤلف عمرو محمود ياسين للرد على هذه الشائعات وقال: 'حقيقي انا مش مصدق اللي بيحصل مع الفنانة ياسمين عبد العزيز، لو تتر اتغير من حاجه لحاجه يبقى ياسمين، لو ممثلة أو ممثل بيقول جمله معينه هنا أو هنا يبقى ياسمين، طيب انا رحت فين، لو حد لابس لبس معين يبقى ياسمين!! لو شخصيه متسمية اسم بعينه يبقى ياسمين .. واقسم بالله ان هذا غير حقيقي! لان المسلسل له مؤلف ومخرج ومنتج وستايلست واقسام تخصصية'.

وأضاف عمرو محمود ياسين: احنا مش هواه، احنا بنشتغل وكل واحد فينا بيحترم دور الاخر وكل واحد مسؤول عن اختصاصاته ودوره في العمل، أكيد بنتشاور وبنفكر مع بعض كلنا للوصول لافضل قرارات اللي فيها مصلحة المشروع.. بس الموضوع كله تصفية حسابات للأسف الشديد، وهي بقت مش عارفه تعمل ايه لما تطلع ترد الناس تقول لها بتردي ليه؟ ولما تسكت الناس بتصدق الاتهامات !!

وتابع عمرو محمود ياسين: حقيقي انا بشفق عليها ولكن اللي بيخليني اهدى ان ياسمين قوية جدا .. جدا جدا و بتقابل ده كله بسخرية وضحك وبترد تقولي انا مش شايفاهم بس انا متعود اواجه و الناس اللي بتتابعني عارفين عني ده و لازم الجمهور يعرف الحقائق لأن انا بعتبر الهجوم على ياسمين هو جزء من الهجوم على مشروعي اللي كلنا بنبذل فيه مجهود كبير جدا جدا ..وربنا يصلح حال الجميع ..وخالص التقدير والاحترام للجميع.

مسلسل 'وننسى اللي كان' من تأليف عمرو محمود ياسين وإخراج محمد حمدي الخبيري، ويشارك في بطولته إلى جانب ياسمين عبد العزيز وكريم فهمي كل من إنجي كيوان، خالد سرحان، ومنة فضالي، ومحمد لطفي، لينا صوفيا، ومن المقرر عرض المسلسل ضمن السباق الرمضاني (2026) على قنوات إم بي سي، ومنصة 'شاهد'.