مروة صبري: ياسمين صبري أحلى من جورجينا وهاندا أرتشيل والمصرين بيهاجموها زي محمد صلاح

دافعت المذيعة مروة صبري عن الفنانة ياسمين صبري والتعليقات والهجوم الذي تتعرض له في كل ظهور لها، خاصة بعد مشاركتها في عرض Le Défilé 2025 الذي قدمته دار لوريال باريس ضمن فعاليات أسبوع الموضة في باريس.

وأكدت مروة صبري أن المقارنات بين ياسمين صبري وجورجينا وهاندا أرتشيل ظالمة وأن الهجوم عليها قد يكونن نابعا من الغيرة.

وقالت مروة صبري خلال برنامجها 'قعدة ستات': ' ياسمين صبري أحلى من جورجينا وأحلى من هاندا أرتشيل، هاندا اللي هي القمر اللي هي من أحلى الممثلات الموجودين في تركيا ياسمين صبري أحلى، الجمال المصري الشيك الراقي اللي محافظ على نفسه طالعين تهاجموها ليه دا اللي دايما بستغربه إننا بنهاجم ولاد بلدنا لما يبقوا برا بيعملوا حاجة'.

وتابعت مروة صبري: 'زي محمد صلاح مثلا اللي جاب لنا بطولات كتير اللي هو فخر العرب اللي هو حاجات كتير جدا أكتر ناس بتهاجمه هما المصريين دي من الحاجات اللي بستغربها الصراحة إحنا أعداء مش النجاح بس إحنا أعداء الجمال'.

وأكملت مروة صبري:'وياسمين صبري لو اتكلمنا عن الجمال فهي جميلة الجميلات ولا دي غيرة منها؟'.

يذكر أن ياسمين صبري عرض لها مؤخرا في السينمات بمصر والدول العربية فيلم 'المشروع X'.

الفيلم من تأليف وإخراج بيتر ميمي، ويشاركه في كتابة السيناريو أحمد حسني، ويضم نخبة من أبرز النجوم إلى جانب كريم عبد العزيز: إياد نصار، ياسمين صبري، أحمد غزي، عصام السقا، بالإضافة إلى مجموعة كبيرة من ضيوف الشرف، على رأسهم: ماجد الكدواني، كريم محمود عبد العزيز، وهنا الزاهد.