صابرين: معملتش عمليات تجميل وهاجموني بسبب تصريح "الكوارع"

أكدت الفنانة صابرين أنها لم تخضع لعمليات تجميل لكنها في نفس الوقت تهتم ببشرتها خاصة كونها دائما تحت الأضواء.

وقالت صابرين خلال لقائها في برنامج 'السهرة' مع مها الصغير عبر قناة cbc، عن تصريحاتها السابقة التي تحدثت فيها عن 'الكوارع' وتناولها لها لأنها غنية بالكولاجين: 'يارب ماتشتمش لأني كل ما بقول حقايق وبطيب خاطر عشان أدي نصايح للستات تطلع هجمات سرشة مش فاهمة ليه، أنا في فترة من الفترات قعدت أقول إيه الحاجات اللي بعملها عشان أحافظ على بشرتي لكن لقيت الستات بتقول على جروب 'قال كوارع قال دي حاطة في وشها بوتوكس وشايفين العمليات'.

وأضافت صابرين: 'يا جماعة إحنا بنعمل كل حاجة حلوة لو في دكتور كويس بروح ليه عشان يعمل لي إبرة نضارة أو بروح لحد عشان يظبط لي وشي لأن إحنا بنتعرض لإضاءة ومجهود ذهني وعصبي ومكياج وحاجات كتير لازم مقابل دا نتعامل بشكل كويس مع بشرتنا وإزاي يكون الجلد كويس ونضر ولما متحطيش مكياج تكوني أحلى من وأنتي حاطه'.

وتابعت صابرين: 'أنا بقول أنا بعمل كده أه بس مش بعمل عمليات جراحية، اللي بيبقى عامل عملية بيبان وفي حاجات عندي لازالت موجودة محتاجة تتظبط مش هنضحك على بعض، لكن اللي الناس مش عارفاه أن هي الروح، حقيقي الروح اللي من جواكي بتبان جدا عليكي أنا عايشة في الطفولة مش بحب اسيبها، وأول ما ألاقي نفسي ببعد عن الطفولة اللي جوايا أخاف'.

يذكر أن صابرين عرض لها قبل شهر رمضان 2025 مسلسل 'إقامة جبرية'.

مسلسل 'إقامة جبرية'، من بطولة صابرين، هنا الزاهد، ومحمد الشرنوبي، ثراء جبيل، عايدة رياض، محمود البزاوي، ولطيفة التركي. تأليف أحمد عادل، وإخراج أحمد سمير فرج.