فيديو – أمير كرارة: هنا الزاهد من أكتر البنات اللي ارتحت معاهم في الشغل ... ومصطفى غريب مصيبة

قال النجم أمير كرارة إن فيلم 'الشاطر' من أحلى التجارب التي قدمها خلال مسيرته الفنية.

وأضاف خلال لقائه مع الإعلامي عبد العزيز أحمد على قناة الظفرة الإماراتية: 'كانت تجربة حلوة جدا بالنسبة لي لأنه حصلت في ظروف غريبة شوية وبالصدفة، أنا وأحمد الجندي أصحاب ونعرف بعض من حوالي 23 سنة، وأول مرة نشتغل مع بعض'.

وأضاف أمير كرارة: 'الفيلم كانت روحه حلوة، وكلنا مخلصين الفيلم وإحنا زعلانين إنه بيخلص'.

تحدث أمير كرارة خلال اللقاء عن تعاونه مع النجمة هنا الزاهد قائلا: 'هنا أول مرة نشتغل مع بعض بس أعرفها من وهي صغيرة جدا، دمها خفيف ومحترفة جدا في الشغل، وواثقة من نفسها وبتذاكر كويس وبتخاف على شغلها، ومن أكتر البنات اللي ارتحت في الشغل معاهم وانبسطت'.

كما تحدث أمير كرارة عن تعاونه مع الفنان مصطفى غريب في فيلم 'الشاطر' قائلا: 'مصطفى غريب مصيبة! أنا متابعه من زمان، ومش أنا بس مصر كلها كانت متوقعة إنه يكسر الدنيا'.

وتابع أمير كرارة: 'لما مسلسل أشغال شقة 2 نزل مكنتش بتفرج غير على أشغال شقة، وكنت مبسوط إنه مصطفى غريب معانا في الفيلم'.

يذكر أن فيلم 'الشاطر' من تأليف أحمد الجندي وكريم يوسف، وإخراج أحمد الجندي وانتاج سينرجي فيلمز بالتعاون مع بيراميدز للانتاج الفني، بطولة أمير كرارة وهنا الزاهد ومصطفى غريب وعادل كرم وأحمد عصام السيد وخالد الصاوي.