عمرو أديب: عمرو دياب صحته غير طبيعية ولابس ساعة حلوة وعاجباني

تحدث الإعلامي عمرو أديب عن ألبوم الفنان عمرو دياب الجديد الذي يحمل عنوان 'ابتدينا' وعبر عن إعجابه به، كما أشاد بـ'الهضبة' وحفاظه على شكله وصحته.

وقال عمرو أديب في برنامجه 'الحكاية': 'مبروك يا هضبة، الهضبة قوي في حاجة مش مفهومة في شي ربنا مديهوله يخليه يدخل كده جوا وجدانك وذهنك، أنت بتتكلم عن حد بيغني بقاله 40 سنة، الصحة إيه اللهم ما صلي على كامل النور، شفته من يومين يعدي في الباب صحته غير طبيعية، وكان لابس ساعة حلوة أوي عجبتني بس يعني مفيش مشكلة الساعات دي إحنا بنعرف نتصرف'.

وتابع عمرو أديب: 'عمرو دياب يتسلل إلى وجدانك، يعني أول مرة تسمع تقول إيه بقى فيه، إنما اللحن بتاع 'خطفوني' دا مثلا فجأة بقى حالة، عمرو يستحوذ عليك وهو بيغني الكلام ممكن في بوء أي مطرب تاني ميكملش لكن عمرو بيجي معاه الكلام، تكتشف أنه قادر دائما أنه ياخدك عنده وتبقى في حالة عمرو دياب وعايز تسمعه'.

وطرح عمرو دياب أحدث ألبوماته 'ابتدينا' في الخميس الثالث من يوليو الجاري.

ويضم الألبوم 15 أغنية، تعاون فيها مع عدد كبير من الشعراء والملحنين والموزعين، وهم:

خطفوني كلمات: تامر حسين – ألحان: عمرو مصطفى – توزيع: أسامة الهندي)

يالا كلمات: تامر حسين – ألحان: عزيز الشافعي – توزيع: أحمد إبراهيم)

ماليش بديل (كلمات: تامر حسين – ألحان: إسلام زكي – توزيع: عادل حقي)

ارجعلها (كلمات: بهاء الدين محمد – ألحان: عمرو دياب – توزيع: أسامة الهندي)

دايما فاكر (كلمات: تامر حسين – ألحان: شادي حسن – توزيع: أحمد إبراهيم)

شايف قمر (كلمات: محمد القياتي – ألحان: محمد يحيى – توزيع: شريف فهمي)

ابتدينا (كلمات: تامر حسين – ألحان: عمرو مصطفى – توزيع: عادل حقي)

يا بخته (كلمات: منة القيعي – ألحان: عزيز الشافعي – توزيع: توما)

هلونهم (كلمات: أيمن بهجت قمر – ألحان: وليد سعد – توزيع: أحمد إبراهيم)

حبيبتي ملاك (كلمات: أمير طعيمة – ألحان: عمرو دياب وأحمد إبراهيم – توزيع: أحمد إبراهيم)

بابا (كلمات: ملاك عادل – ألحان: محمد يحيى – توزيع: عادل حقي)

ما تقلقش (كلمات وألحان: عزيز الشافعي – توزيع: أحمد إبراهيم)

خبر أبيض (كلمات: أيمن بهجت قمر – ألحان: محمد يحيى – توزيع: عادل حقي)

قفلتي اللعبة (كلمات: مصطفى حدوتة – ألحان: محمد يحيى – توزيع: وسام عبد المنعم)

إشارات (كلمات: أيمن بهجت قمر – ألحان: محمد يحيى – توزيع: أسامة الهندي