نيللي كريم عن أزمات تصوير الفنانين: القانون لازم يحاسب على الحاجات دي

كشفت النجمة نيللي كريم عن رأيها في أزمات تصوير الفنانين بطريقة غير لائقة.

وخلال استضافتها في برنامج 'السلم والثعبان' تقديم ندى الشيباني تطرقت نيللي كريم إلى أزمة تصوير الفنانين في المواقف الخاصة وانتشارها عبر مواقع التواصل، كما حدث مع بعض الفنانات مثل ريهام عبد الغفور ولبلبة وإلهام شاهين مؤكدة: 'للأسف السوشيال ميديا بتفتح باب رهيب وبيبقى الفنان أو حتى شخص طبيعي مفيش خصوصية في الموضوع'.

وأضافت: 'غصب عنك متقدريش تعملي كنترول، وللأسف فيه ناس معندهاش ضمير ولا عندها دين ولا أخلاق وده عكس اللي إحنا اتربينا عليه'.

وتابعت: 'كمان دخول الذكاء الاصطناعي مبقيتيش تعرفي ده حقيقي ولا لأ، وبقى صعب تحمي نفسك، وأنا بقيت مبروحش غير الحاجات المهمة قوي في الإيفنتات، لأن فعلًا متعرفيش اللي طالعلك بتليفون بيصور إيه ومن أي زاوية، وأنا شايفة القانون يحاسب الناس على الحاجات دي، ده الصح لازم يتحاسبوا'.

يذكر أن نيللي كريم يعرض لها في شهر رمضان حاليا مسلسل 'عل قد الحب'، بطولة نيللى كريم، شريف سلامة ، مها نصار ، أحمد سعيد عبد الغنى، أحمد ماجد، محمود الليثى، محمد أبو داود، محمد على رزق، صفاء الطوخى، راندا إبراهيم، آية سليم، ميمى جمال ، يوسف حشيش، محمود فايز، وهو من تأليف مصطفى جمال هاشم ، تسبيح ماهر و محمد الشخيبي وإخراج خالد سعيد.

تدور أحداث المسلسل الذى تنتجه شركة S productions للمنتجة سالى والى، فى إطار درامى اجتماعى رومانسى، يجمع بين المشاعر الإنسانية والتفاصيل العائلية.

بيتر ميمي يرد على كابتن إيلا بعد تعليقها على مسلسل 'صحاب الأرض'