شيرين عبد الوهاب توجه الشكر لهؤلاء النجوم: إخواتي اللي أمي ماجبتهمش

وجهت النجمة شيرين عبد الوهاب الشكر لعدد من النجوم بعينهم لوقوفهم بجانبها في أزمتها الأخيرة.

قالت شيرين عبد الوهاب: 'عايزة اشكر ناس لهم افضال عليا، حقيقي ناس، اخواتي اللي أمي ماجبتهمش، ابتدي بمحمود الليثي، انتم ماتعرفوش عمل ايه عشاني ولا كان فاتح لي بيته ازاي وبعت جاب عفش عشان يفرش لي شقة عشان ابقى قاعدة وسطه ووسط عيلته'، حسب تصريحاتها لبرنامج 'الحكاية' الذي يقدمه الإعلامي عمرو أديب.

وتابعت شيرين عبد الوهاب: أحمد سعد، صاحب عمري حقيقي، بقالنا حاجة وتلاتين سنة نعرف بعض، هيفاء وهبي النجمة الجميلة اللي قلبها طيب، الست لما جت كلمتني مرة كلمتني كإني لا انا مش بتصل اعمل مجاملة، قولي لي انتي بتعملي ايه وفين واجي اخدك وزعقت لي.

وأضافت شيرين عبد الوهاب: زينة وياسمين ماسابونيش خالص بل بالعكس، زينة كانت قايمة بأكبر حدث أنها كانت بترعى ولادي، والبيت والكهربا والماية.

يذكر أن شركة 'سوني ميوزك' الشرق الأوسط أحدث أغاني النجمة شيرين عبد الوهاب 'الحضن شوك' من كلمات وألحان عزيز الشافعي، وتوزيع توما.

وكانت شيرين عبد الوهاب تعاقدت مؤخرا مع ناصر بيجاتو لتولي الإدارة الكاملة لأعمالها الفنية خلال المرحلة المقبلة، في عودة للتعاون بينهما بعد سنوات من النجاحات المشتركة.