لايف ستايل
موقع كل يوم -في فن
نشر بتاريخ: ١٦ كانون الأول ٢٠٢٥
دافع المخرج محمد دياب عن صناع فيلم 'الست' مؤكدا أن اتهامهم بأنهم جزء من مؤامرة خارجية على الفن المصري أمر مرفوض.
وكتب محمد دياب عبر حسابه على Facebook: 'الفنان القدير محمد صبحي اتهم فيلم الست إنه جزء من مؤامرة خارجية ولسه قاري مقالة لناقده شهيرة بتردد نفس الكلام. طبعا الناس من حقها تنتقد أي فيلم وتقيمه فنيا بالشكل الذي تراه ولكن أن يصل الأمر لاتهام بالخيانة للناس اللي عملت الفيلم واللي هما أهم صناع السينما في مصر، فده شئ غير مقبول وعيب وعبثي بصراحة'.
وتابع محمد دياب: 'الاتهام ده بالتبعية يطول شركات الإنتاج اللي مشتركة في إنتاجه واللي غالبيتها شركات وطنية تملكها الدولة. فهل يعقل أن مروان حامد وأحمد مراد ومنى ذكي جزء من مؤامرة خارجية؟ هل شركات الإنتاج المملوكة للدولة جزء من المؤامرة!؟'.
وأكمل محمد دياب: 'كل اللي اشترك في فيلم الست قولا واحدا فنانين أحرار شرفاء اجتهدوا في صنع عمل فني، من حق الناس أن تراهم أصابوا او اخطئوا فنيا واكن مش من حق حد اتهامهم بخيانة ضميرهم وفنهم'.
وكان الفنان محمد صبحي قال في مداخلة هاتفية ببرنامج 'حضرة المواطن' عن فيلم 'الست': 'أنا كممثل لما يجيلي فيلم ولا مسرحية قد تكون عظيمة وبارعة ولكنها مخالفة للحقيقة لا يمكن أعملها، بلوم على تلميذتي وحبيبتي منى زكي اللي أنا بفتخر بيها أن تقع في مثل هذه الوقيعة'.
وأكمل محمد صبحي: 'أنا يهمني مصر تبقى عظيمة لكن لا يشغلني أن أسقط دولة أو وطن، هناك مؤامرة كبيرة على مصر، غير المؤامرات اللى إحنا عارفينا من أعدائنا، فى مؤامرات لضرب الفن المصري وضرب أسطورة الريادة المصرية، الريادة المصرية ده تاريخ، مش عايزين نكسر، إحنا الأوائل لأنها حقيقة تاريخية'.
لو فاتك: فن ولا فنكوش - 16 سؤال كل واحد هيجاوب لوحده ... عرفت كام سؤال منهم؟




























