ألفت عمر تنهار في البكاء وتطالب بالدعاء لوالدها ... تحت أجهزة التنفس الصناعي (فيديو)

كشفت الفنانة ألفت عمر عن أن والدها يمر بأزمة صحية حادة، مطالبة متابعيها بالدعاء له بالشفاء.

وقالت ألفت عمر في بث مباشر عبر صفحتها الرسمية في موقع التواصل الاجتماعي فيسبوك: 'بابا في حالة صعبة، هو في حالة حرجة جدا وعلى جهاز التنفس الصناعي، والدكتور قال إن شاء الله في أمل'.

وأضافت: 'طالبة من كل الناس اللي بتحبني أو اللي متعرفنيش أولا ياريت الفيديو ده كل اللي يشوفني يشيره، وعايزة منكو تدعوله، وأول ما الدكتور قال كلمة دعاء فكرت فيكم'.

وتابعت ألفت عمر: 'أي حاجة حلوة أو أي مبدأ أو قيمة بابا اللي علمهالي، بابا ده أكرم الناس، بيته من وإحنا صغيرين مفتوح لكل الناس والخير كله عنده، قلبه كبير جدا، وكان من كام يوم بيسأل على كل الناس بالتليفون ويطمن عليهم رغم إنه تعبان، وحتى الناس اللي على خلاف معايا بيحبوه. النهاردة الجمعة ربنا يسمع منا كلنا'.

يذكر أن ألفت عمر شاركت في فيلم 'بعد الشر'، الذي عرض عام 2023، تأليف أمين جمال ووليد أبو المجد وإخراج أحمد عبد الوهاب، وبطولة علي ربيع، ميرنا نور الدين، أوس أوس، رنا رئيس، بيومى فؤاد، عمرو عبد الجليل، هالة فاخر وشيرين، وعدد آخر من الفنانين.