لايف ستايل
موقع كل يوم -في فن
نشر بتاريخ: ١٣ تشرين الأول ٢٠٢٣
أعلن الفنان محمد عطية عن دعمه للشعب الفلسطيني وطالب المؤثرين على السوشيال ميديا والفنانين ولاعبي الكرة بالحديث عن الأحداث الجارية في فلسطين.
نشر عطية فيديو على حسابه بموقع أنستجرام قال فيه 'الفيديو دة مش الغرض منه المزايدة على حد لكن الهدف منه اني بناشد كل الناس المؤثرين على السوشيال ميديا فنانين، لاعيبة كرة، انفلونسرز، بلوجر هنسأل لاحقا عن شعب تم إبادته بالكامل قدام عنينا واحنا بنتفرج'
وتابع 'الوضع هناك أسوأ من السجن في السجن أنت متأمنلك اكل وشرب وتحت سقف امن ومفيش معاك أطفال أو رضع، الوضع هناك مش كدة'
وأضاف 'انهاردة إسرائيل امرت بإخلاء شمال غزة مطلوب من مليون و100 ألف بني ادم أنهم يمشوا ويسيبوا بيوتهم وادتلهم مدة 24 ساعة، وانتو عارفين أن لو ممشيوش هيحصل ايه'
كما تحدث عطية عن الإعلام الغربي وقال 'الإعلام الغربي ضلل الناس اللي هناك وخلاهم يباركوا ابادة جماعية وتطهير عرقي وهما شايفين أن اسرائيل هي الضحية'
واختتم حديثه قائلا 'احنا مفيش في ادينا حاجة نعملها غير أننا نتكلم احنا ضعاف ومهانين ومفيش حاجة نعملها غير أننا نتكلم ولو في حاجة تانية قولولي وانا أول واحد هعملها بس ارجوكم متزهقوش من الكلام. '
يشار إلي أن عددا كبيرا من الجمهور أعلنوا دعمهم للشعب الفلسطيني عبر حساباتهم على مواقع التواصل الاجتماعي.
يذكر أن محمد عطية شارك في الفيلم اللبناني 'ضيوف شرف' مع ستيفاني عطالله وعدد من نجوم لبنان ومن إخراج سامي كوجان.
حمل آبلكيشن FilFan ... و(عيش وسط النجوم)