لايف ستايل
موقع كل يوم -في فن
نشر بتاريخ: ٢٦ أذار ٢٠٢٤
حققت الفنانة يسرا اللوزي نجاحا كبيرا في مسلسلها 'صلة رحم' الذي عرض في النصف الأول من شهر رمضان 2024، وخلال لقائها مع FilFan.com كشفت عن كواليس التحضير للشخصية و{ايها في العديد من القضايا الشائكة التي طرحت في العمل.
وقالت يسرا اللوزي عن تحضيرها للشخصية: 'قفلت على نفسي في الأوضة لمدة 10 أيام تقريبا، بعد ما قريت أول كام حلقة اللي كنوا مكتوبين، وقعت مع أستاذ تامر واتكلمنا عن تفاصيل الشخصية وشكلها، طلبت منهم إني أسافر أبعد عن بيتي 10 أيام، أروح الجيم وأكل وأنام بس مبعملش حاجة تانية، كنت محتاجه أنسى كل حاجة في حياتي وكل تركيزي أحطه في الدور، كانت فترة نقاهة، وفرق معايا جدا'.
وعن تشابه فكرة 'تجميد البويضات' في مسلسل 'صلة رحم' مع مسلسل 'جميلة' الذي شاركت فيه يسرا اللوزي العام الماضي، قالت: 'أنا مأخدتش بالي من الموضوع ده غير لما أتكتب عنه، هو الموضوع كان مختلف والمسلسل تناول الموضوع بشكل تاني، شخصيتين مختلفين وعالم مختلف وفي جميلة 'تجميد بويضات' وفي 'صلة رحم' تأجير أرحام الموضوع يختلف'.
وعن رأيها في فكرة استئجار الرحم قالت يسرا اللوزي: 'أنا عارفة وزي ما وضحنا في المسلسل أن الدين بيقول أن ده غلط، لكن زي ما 'حسام' إياد نصار قال إن كتير لما بيحصل حاجة جديدة في الطب أول فترة بيتقال حرام لكن بعد فترة الفتوى بتتغير، مش عارفة لو حد في موقف 'ليلى' و'حسام' هل هيلجأ لحل زي كده، لكن لما فكرت فيها لو أنا مش قادرة أخلف أفضل إني اتبنى طفل'.
كما كشفت يسرا اللوزي عن رأيها في نهاية المسلسل والسؤال الذي حير الجمهور من يربي الطفل 'حنان' أسماء أبو اليزيد أم 'ليلى'؟ وقالت: 'أنا حسيت أن هما الاتنين مينفعش واحدة منهم تتحرم منه، وهنا الصعوبة أنهم يربوا الطفل ويكونوا جزء من حياته لكن إزاي هيشرحوله الوضع'.
كما كشفت عن رأيها في الإجهاض وقالت: 'رأيي الشخصي أن من حق الأم أنها تختار، ممكن تكون أسرة عندها 5 أولاد ومعندهمش مقدرة أنهم يصرفوا على طفل سادس، الست من حقها أنها تختار'.
المزيد في الفيديو
