فتاح الغرباوي يشيد بهشام الجباري ويقطر الشمع على بعض المخرجين -صور

أشاد الفنان، عبد الفتاح الغرباوي بتعامله مع المخرج، هشام الجباري في أحدث أعماله السينمائية “حادة وكريمو”، مقطرا الشمع في الآن نفسه على أحد المخرجين.

وحرص الغرباوي على تقاسم “البوستر” الخاص بالعمل ومجموعة من الصور من كواليس الفيلم، علق عليها قائلا: “فيلم سينمائي قريبا على شاشات السينما من تأليف وإخراج الفنان الكبير هشام الجباري اللي عزيز عليا بزاف وحتى أنا عزيز عليه، عزيز عليا حيت كيحس بيا بزاف وكنحس براسي فيد آمنة وانا كنخدم معاه، ديما البلاطو ديالو كتكون فيه واحد المتعة وطاقة واعرة بزاف، مخرج كيبكي ويفرح مع القصة ومع الشخصيات ديالو وكيحس بالممثلين ديالو وكيراعي لجمهورو بزاف، مخرج كريم وماكيبخلش عليك بأي حاجة بغيتها موسوعة كبيرة فتاريخ السينما والتلفزة”.

وتابع الفنان المغربي مقطرا الشمع على أحد المخرجين، دون ذكر اسمه، مدونا “ماشي بحال شي وحدين يسحاب ليهم الإخراج هو تجي معطل، دائما أكون سعيد بالاشتغال معك خويا هشام”.

وأردف مشيدا بشركة إنتاج العمل “فيلم حادة وكريمو من إنتاج شركة سبيكطوب في شخص مدام فاطنة بن كيران، إنسانة راقية وديما الابتسامة والى قالتلك راك طالع ناضي غي رتاح، الشركة الوحيدة اللي اشتغلنا مع بعضنا بزاف دلمرات وكل مرة كنزيد نحترمهم حيت كيحتارمو الفنانة ديالهم كيديرو جهدهم كامل باش كولشي يكون مرتاح شركة عندها غيرة على الفن فهاد البلاد الشركة الوحيدة اللي تقدر انت تعيط ليهم تقوليهم بغيت نتعاون معاكم، شكرا سبيكطوب على الاحترام ديالكم ليا وللفن وحبكم لهاد الوطن اللي ديما كنلمسوه فالأعمال ديالكم”.

يشار إلى أن فيلم القاعات السينمائية الوطنية تستعد لاستقبال الفيلم السينمائي الجديد “حادة وكريمو” ، للمخرج هشام الجباري، وذلك ابتداء من ال 4 من دجنبر المقبل.