سهام جلال: غيابي عن الوسط الفني علشان معنديش شلة ومعارف ... وقابلت في المهنة قلة قيمة

أرجعت الفنانة سهام جلال ابتعادها عن تقديم أعمال فنية جديدة إلى كونها لا تنتمي إلى 'شلة' داخل الوسط الفني.

وقالت سهام جلال إنها شاركت في آخر عمل لها مع الزعيم عادل إمام في مسلسل 'عوالم خفية'، في عام 2017، موضحة أنها تشارك في فيلم 'أوله حلو' ولكنه وقف إنتاجيا بسبب عدة مشاكل، ولكنها عادت للسينما مرة أخرى بسبب ما جذبها للدور.

وأضافت خلال مداخلة هاتفية في برنامج 'تفاصيل'، مع الإعلامية نهال طايل عبر فضائية 'صدى البلد 2': 'أنا غبت عن الوسط الفني علشان المهنة بقت معتمدة على الشللية والمعارف، لو أنا معنديش ده يبقى أنا خارج الوسط حتى لو كنت فنانة موهوبة، في فنانات أهم مني بكتير في بيتهم وحققوا وأثبتوا موهبتهم بس معندهمش شلة'.

وأشارت سهام جلال إلى أنها لا يمكن أن تذهب لمكاتب الكاستينج أو تطلب من مخرج المشاركة في عمل فني، معقبة: 'النهارده بنقابل في المهنة قلة قيمة.. لما أكون عامله مع مخرج أو مخرجة مسلسل وليا فيه دور كبير وتيجي تظهر المخرجة بعد سنين بتبعتلي 3 مشاهد يبقى أرد عليها وأقول لها إيه؟!'

واختتمت سهام جلال حديثها قائلة: 'الممثل الشاطر بيشوف المشاهد القليلة مهمة وعلشان كده لما جالي مسلسل عوالم خفية وهما 3 حلقات مع الزعيم عادل إمام عملتهم.. ممكن أعمل كام مشهد في فيلم سينمائي علشان مدته ساعة ونص، لكن مقدرش أطلع أعمل 3 مشاهد في مسلسل طويل'.

طالع أيضا: ريم رؤوف: أحمد مختار خالي ... وأحمد كمال كان صديقه وكان بيقعدني على حجره ويلعب بيا مع عبلة كامل