أحمد سعد: روبي دي خطيرة لازم الناس تعرف عنها حاجات تانية مختلفة

تحدث الفنان أحمد سعد عن الفنانة روبي معبرا عن سعادته بتعاونه مجددا مع الفنانة روبي بعد نجاح أغنيتهما 'يا ليالي'.

وقال أحمد سعد عن روبي: 'روبي دي خطيرة، لازم الناس تعرف عنها حاجات تانية مختلفة عن روبي اللي بتشوفوها على العجلة والحركات دي، هي أكتر إنسانة طيبة وطبيعية ونقية كل حاجة من قلبها، عايشة حياتها في سلام نفسي، أنا بحبها شخصيا وبحب اشتغل معاها لأنها شخصية في الشغل ربنا بيكرمها في كل الأغاني عشان هي مسلماها'.

وعن تعاونهما مجددا في أغنية 'تاني' التي طرحها ضمن ألبومه 'بيستهبل' قال أحمد سعد: 'ربنا كرمنا بنجاح الديو لأننا بنحب بعض ومحدش بيفكر مين هيطلع فين وهيعمل إيه هي عايزاني أطلع أحسن حاجة وأنا عايزها تطلع أحسن حاجة فالناس بتشوف دا وبتطلع حاجات حلوة'.

وأحيا الفنان أحمد سعد حفلا غنائيا في ثالث ليالي مهرجان مراسي، وشاركته في الحفل الفنانة روبي التي قدمت معه أغنية 'يا ليالي' و 'تاني'.

يعد الحفل الأول لأحمد سعد بعد طرح الجزء الأول من ألبومه الجديد 'بيستهبل'.

ولفت أحمد سعد الأنظار بإطلالته في الحفل، ارتدى قميص أسود منقط بالأبيض، مع 'جيب شورت' أسود.

يذكر أن أحمد سعد أصدر مؤخرا النص الأول من ألبومه الجديد 'بيستهبل' وهم أغاني: 'بيستهبل' و'أخويا' و'مكسرات' و'تاني' بمشاركة النجمة روبي.

وحدد أحمد سعد يوم 24 يوليو الجاري موعدا لإطلاق المرحلة الثانية 'الوش الثاني' على أن يبدأ بأغنية 'بلونة' الساعة الخامسة مساء وأغنية 'شفتشي' الساعة السادسة وأغنية 'اتحسدنا' في تمام السابعة بينما يطلق أغنية 'اتك اتك' الساعة الثامنة ويختتم الألبوم بأغنية 'حبيبي ياه ياه' بمشاركة عفروتو ومروان موسى.