محمد شاهين يسخر من رد فعل الجمهور على شخصيته في "لام شمسية" (فيديو)

في لقائه مع برنامج ET بالعربي سخر الفنان محمد شاهين، من ردود أفعال الجمهور على شخصية 'وسام' المتحرش التي قدمها خلال مسلسل 'لام شمسية'، والذي عرض في السباق الرمضاني المنقضي، موضحًا أن نجاح العمل والشخصية وضعه تحت مسؤولية أكبر في اختيار أعماله الفنية المقبلة.

وعلق شاهين، بطريقة ساخرة على رد فعل الجمهور على شخصية وسام قائلاً: 'ده تمثيل يا جماعة والله ده مش أنا، سلموا عليا واتصوروا معايا لو حابين، بس بلاش ضرب والنبي علشان مش أنا'.

وعن شخصية وسام، قال: 'الشخصيات اللي زي وسام بتبقى مريضة نفسيًا وضحية، لكنه مذنب بكل الأشكال والطرق وحرام شرعًا ودينيًا، وحرام أن الضحايا بتوعه بيكبروا عندهم مشكلة كبيرة بتأثر على حياتهم كلها وفي ناس بيجيلهم تروما وحالات نفسية وخوف من الناس، ويبقى السبب فيها إنسان ده مش حقه'.

تابع: 'المسؤولية زادت عليَّ أكتر بعد لام شمسية، وكل مرة بقول كده وبقول يا رب استرها عليّ، ومعرفش إيه اللي هيحصل في اللي جاي وببقى خايف وحامل هم إن آخر حاجة أنا سامعها حلوة ويا رب أبقى قدها.

مسلسل 'لام شمسية' بطولة كل من: أمينة خليل، أحمد السعدني، يسرا اللوزي، ومحمد شاهين، وهو من تأليف مريم نعوم وإخراج كريم الشناوي.