إيناس الدغيدي: في ناس وقعت بيني وبين هالة سرحان وكرامتي وجعتني

روت المخرجة إيناس الدغيدي كواليس خلاف حدث بينها وبين الإعلامية هالة سرحان، وتسبب في ابتعاد كل منهما عن الأخرى، بعد أن كانت لقاءاتهما تتكرر يوميا في إطار صداقة قوية.

وقالت إيناس الدغيدي في حوارها مع الإعلامية أميرة بدر في برنامج 'أسرار' المذاع عبر قناة النهار: 'أنا وهالة كنا في عمارة واحدة، وكنا كل يوم مع بعض، لكن لما عملت برنامج بعدها في ناس وقعت بيني وبينها'.

وأضافت: 'انفصلنا شوية، وهي سافرت أمريكا وأنا كنت في مصر وكرامتي وجعتني، وبقت لما ترجع من أمريكا ممكن نشوف بعض ونقول صباح الخير'.

وردا على سؤال هل عادت علاقتهما إلى سابق عهدها، قالت إيناس الدغيدي: 'العلاقة رجعت زي الأول، لكن ظروفنا اختلفت وبعدنا عن بعض، مش كل يوم مع بعض زي الأول'.

وتابعت: 'هي صديقة وفي بيني وبينها أيام حلوة، ولغاية دلوقتي لما نشوف بعض في مكان نجري على بعض، ونقول أخبارنا وأسرارنا'.