طمأنت الفنانة إنجي وجدان جمهورها على صحتها بعدما كانت نشرت صورة ليدها وهي تركب بعض المحاليل وطلبت من متابعيها الدعاء لها.

ظهرت إنجي وجدان في فيديو نشرته عبر حسابها على Instagram وقالت فيه: 'حابه أشكر كل الناس اللي دعيت لي وكل الناس اللي بعتتلي وسألت عليا وكل الكلام الحلو اللي جالي وشكرا جدا جدا'.

وتابعت إنجي وجدان: 'أسفة إني خضيت ناس كتيرة جدا مكانش قصدي أنا كنت عايزة الناس تدعيلي عشان داخلة أعمل منظار أشوف إيه المشكلة اللي عندي وكنت خايفة يبقى فيها حاجة خطر أو تخوف والحمد لله الدكتور لقى في مشكلة وحليناها والحمد لله مش حاجة مرعبة ومش حاجة مقلقة جامد فشكرا جدا لكل الناس وأسفة إني خضيتكم وربنا يخليكوا ليا'.

على جانب آخر، كانت إنجي وجدان لفتت الأنظار خلال الفترة الماضية بعد خسارتها الكبيرة للوزن وظهورها بلوك جديد ومختلف.

يشار إلى أن آخر أعمال إنجي وجدان مشاركتها ضيف شرف في الجزء الأول من مسلسل 'أشغال شقة' مع أسماء جلال وهشام ماجد ومصطفى غريب وعرض في رمضان 2024.