تحدث المخرج محمد سامي عن ما تعرض له مسلسل 'سيد الناس' من انتقادات رغم تحقيقه لنسب مشاهدة مرتفعة.

وقال محمد سامي خلال لقائه في برنامج 'الصورة مع لميس الحديدي': 'أكبر غلطة عملتها في نفسي إني قدمت مسلسلين في رمضان تركيزي كان أقل ودخلت مشتت عملت تصرف مفيش بني آدم يعمله المسلسلين نجحوا بس أنا غير راضي'.

وتابع محمد سامي: ''إش إش' نجح أكتر بس 'سيد الناس' أنا لو بعمله لوحده هعمله قد كده 10 مرات أنا ظلمته شوية إني دخلته بعد 'إش إش' مكنتش مركز 100% عملت فيه مجهود زي أي حاجة عملتها بس لو مكنش عندي مسسل قبله كنت هركز في حاجات كتير كانت محتاجة مني تركيز أكتر'.

وتابع محمد سامي متحدثا عن الأعمال الأقرب لقلبه ليكشف أن أغلب أعماله الناجحة ليست قريبة له قائلا: 'أعمالي الناجحة مش الأقرب لقلبي، لو عملت الأقرب لقلبي هيسقط، بحب الشغل اللي شبه المسلسلات الأجنبية بس بخاف أقدمه، وكل ما أنجح أخاف أكثر، عملت مسلسل 'كلام على ورق' اتمسح بيا الأرض، وبعده بقيت بخاف جدا من التجريب'.

وسألته لميس الحديدي عن أشهر أعماله قائلة: 'يعني جعفر العمدة والأسطورة وإش إش وسيد الناس ونعمة الافوكاتو مش الأقرب لقلبك؟'، ليرد عليها قائلا: 'لا الأقرب لقلبي أعتقد أنه يسقط'.

لو فاتك: الحلقة الثانية من برنامج 'غالب ولا مغلوب' ... المنافسة دخلت مراحل مهمة ومفاجآت في النتايج ‍♂️