طرح الفنان محمد الشرنوبي عبر قناته الرسمية في موقع يوتيوب أغنية 'حفلة 9' أغنية مهرجان الجونة السينمائي، وتشاركه الغناء الفنانة أسماء جلال.

أغنية 'حفلة 9' من كلمات فلبينو، وألحان محمد الشرنوبي، وتوزيع محمد الشرنوبي وعمرو البنا، وتبدأ كلماتها بهذه المقاطع:

فاكر يا حبيبي في أول مرة نزلنا خرجنا

وفاكر المطره وجاكتك الأسود، فاكره أكيد

يومها قولتلي إفيه من فيلم، قعدنا ضحكنا

وساعتها الضحك أخدنا وقلنا هندخل فيلم جديد

أنا فاكر أول مرة سألتك إمتى هننزل؟ قولتيلي بُكره

يومها سهرت أستنى في بُكره وحاسس بُكره بعيد

فين اللي اخترع الساعة، ما كان خلّاها في 60 ثانية؟

إحساسي بيشبه عيل قاعد وبيستنّى العيد

جبتلي يومها فشار قدام السيما في حفلة 9

كانت الأفلام كُتار

ونجومها يا حبيبي تشبهنا

جبتلك يومها فشار قدام السيما في حفلة 9

شوفنا من العشاق كُتار

فضلنا في أفلامهم نسرح

أنا فاكر دقة قلبك لما أنا قولت في يومها بحبك

أول مرة كنت أنطقها، صوت قلبك هز السينما

وأنا فاكرة يومها حضنتك، فاكرة هزارك، وفاكرة لذاذتك

فاكرة شياكتك وكسوفك وأنت بتتلجلج في الكلمة