وجهت الإعلامية مروة صبري رسالة لمهاجمي الفنان أحمد العوضي في برنامجها 'قعدة ستات' الذي تقدمه على قناة 'ألفا'، بعد موجة الهجوم التي تعرض لها مؤخرا بسبب تصريحه أنه الأعلى سعرا والأكثر مشاهدة.

قالت مروة صبري: اتفاجئت إن في حملة هجوم كبيرة على الفنان النجم أحمد العوضي، واستغربت من اللي طالعين بيقولوا له: يعني إيه انت الأشهر؟ وانت لازم تنسب الفضل لصاحبه!.

وأكملت: ربنا هو اللي بيكبر الناس، محدش بيعمل حاجة لحد، صحيح ممكن حد يقف جمبك، لكن محدش بيكون سبب نجاح حد، النجاح والشهرة في مجال الفن صعب جدا جدا، السبب الأول والاخير فيه الموهبة وحب الناس، وإلا مكانش هيبقى الأعلى والأكثر مشاهدة.

وواصلت في مقدمة برنامجها: بالأرقام والاحصائيات أحمد العوضي في 2025 هو الأكثر مشاهدة، وهو الأعلى أجرا بين النجوم، إيه المشكلة فين الغلط؟ أحمد لما بينزل الشارع بنشوف في الفيديوهات اللي بيصوها الناس بتتلف حوليه ازاى، ده محبة الناس وحب الجمهور إذا هو ناجح.

وختمت رسالتها قائلة: سيبوا أحمد العوضي في حاله، سيبوا الناس تفرح وسيبوا الناس تنجح وسيبوا الناس تشتغل.

جيسيكا حسام الدين لـ(في الفن) من قرطاج: فيلم (32ب مشاكل داخلية) جريء بس حقيقي قوي ... ونفسي اشتغل مع النجوم دول