كشف دكتور محمود العفيفي أخصائي سمنة ونحافة المتابع لنظام الفنانة شيرين عبد الوهاب الغذائي كواليس خسارتها للوزن.

وقال في لقاء مع ET بالعربي: 'أحمد سعد رشحني ليها لأن أصحابه كانوا خسوا معايا كان مديها ثقة كبيرة فيا وكانت متقبلة مني كل حاجة أي حاجة أطلبها منها، هي كانت حابه فكرة أنها تخس بطريقة طبيعية مش حابه خالص قصة الجراحة'.

وتابع: 'قابلتها وكان عندها إصرار قوي إنها تخس والحمد لله أنا فاكر أول مرة قابلتها فيها غير آخر مرة، من أول أسبوع كان في نتيجة ودا خلاها اتشجعت، كنا بنحدد تارجت 100 يوم كانت مركزة على حاجات خفيفة تاكلها بتحبها زي الزبادي وحاجات خضار خفيف كلها حاجات طبيعية، مع رياضة المشي'.

وأضاف: 'عندها هدف مش الميزان حابه ترجع للشكل بتاع زمان المتناسق الجميل اللي تحب تظهر بيه قدام الناس، هي عندها إرادة قوية وهدف عايزة توصله'.

وأحيت شيرين عبد الوهاب حفلا غنائيا الجمعة 7 أغسطس وكان الحفل عودة لها بعد غياب.

لفتت شيرين عبد الوهاب الأنظار بمجرد ظهورها على المسرح، فكان الجمهور ينتظر كيف أصبح شكلها بعد فترة غياب، وقد فقدت شيرين الكثير من الوزن الزائد وبدت بشكل أفضل.

اختارت شيرين عبد الوهاب فستانا باللون الأزرق السماوي تميز بفتحة رقبة هولتر التي تلتف حول العنق مع فيونكة من الساتان، مع تصميم أكتاف Off-Shoulder وأكمام قصيرة مزينة بكرانيش.

والفستان ضيق من الأعلى حتى الخصر ينسدل متعدد الطبقات، من خامة التول المطرزة بالكامل بتطريزات ورود رقيقة.

فستان شيرين عبد الوهاب من Needle & Thread وسعره 37 ألف جنيه.

ووضعت شيرين عبد الوهاب مكياجا بألوان رقيقة مع خبير التجمل أحمد الأسير وتركت شعرها ينسدل ناعما على كتفها مع مصفف الشعر طوني المندلق.

وبدأت شيرين عبد الوهاب الحفل بأغنية 'صبري قليل' ليردد الجمهور قائلا 'صوت مصر' لترد عليهم قائلة: 'يا لهوي.. وحشتوني .. كلنا صوت مصر .. أنا عمري ما غبت عنكم'.

وبعدها قدمت شيرين عبد الوهاب مجموعة من أغانيها وسط تفاعل كبير من الحضور منها 'أنا في الغرام'، 'الوتر الحساس'، 'ما فيش مرة'، 'مشاعر'و 'بحرية' و'على بالي'.