سخرت النجمة سلاف فواخرجي من تداول وثيقة زواج مزورة تزعم ارتباطها بالرئيس السوري السابق بشار الأسد، مشيرة إلى مجموعة من الأخطاء في الورقة الرسمية المزورة.

ونشرت الفنانة السورية الوثيقة المتداولة معلقةً بقولها: 'لا تواخذونا عملناها عالضيق ماعزمنا حدا'، مضيفةً: 'قسماً بالله شي بيضحك'.

وأضافت: 'انا عادة جديّة على فكرة بس والله ماقدرت، هل تستطيعون أن تكونوا نبلاء لمرة واحدة على الأقل؟ هل تستطيعون أن تناقشوا الأفكار من دون الطعن بالشرف الذي لا يتوقف عنده الا كل من لديه عقدة فيه؟ هل تستطيعون أن تخرجوا عقولكم خارح غرف النوم؟'.

وأشارت إلى الأخطاء في التزوير: 'وتعبتوا واجتهدتوا كملوا للاخر، لسا بدكن فت خبز منيح، يللا معلش مرة بعد مرة وثيقة بعد وثيقة بتنجحوا! المرة الماضية غلطتوا باحدى وثائق الزواج اللي شفناها بخانة الطائفة ونحنا بسوريا ماكان عنا خانة الطائفة (مابعرف هلأ اذا صارت ) واضحكوا عليكم الناس بس معلش تعلمتوا'.

وتابعت: 'واليوم 3 غلطات بحالهم! مع انو القصة مو صعبة انكم تطالعوا بيان قيد عادي جدا وسهل! ولادتي بالاوراق الرسمية بعد 3 ايام من ولادتي يعني بـ 1.8.1977 يوم عيدالجيش السوري واللبناني وبابا الله يرحمه اسمه، محمد ومو محمد سليم، وخانتي بمشروع صليبة والخانة 65 وبشوف حالي فيها، وكل الحب لاهلنا بالسكنتوري، انا من كل اللادقية ومن كل سوريا، مشان اذا بدكن تعدلوا يانوابغ ياجهابذة، لانو يعتبر العقد باطل هيك والعياذ بالله!'.

وأكّدت فواخرجي عدم طلاقها من زوجها الفنان وائل رمضان: 'غير هيك والأهم وين ورقة الطلاق؟! هي البيانات صارت عندكم يللي بتخافوا الله! انا لم اطلق ولن اطلق اذا ربنا أراد، والله يحميلي زوجي وعيلتي ويحمي كل الناس، عيب وتفه وبس'.

وختمت بقولها: 'ديروا بالكم عالبلد والناس هنن احق بالاهتمام مني... ولا شو؟'.