كشفت المخرجة إيناس الدغيدي عن رأيها في الانتقادات التي وجهت للفنانة نادية الجندي بسبب إطلالتها في حفل توزيع جوائز Joy Awards.

وقالت إيناس الدغيدي خلال لقائها في برنامج 'الفصول الأربعة' من تقديم علي ياسين: 'الناس مبترحمش، أنا شفت الإطلالة، وممكن تكون هي مشفتهاش لأن في الكاميرا في حاجات كتير أنت مبتبقاش شايفها في الطبيعة الكاميرا بتبقى دقيقة وبتكشف، أكيد هي لما لبست الفستان محستش أن كان فيه حاجة، لكن الكاميرا بينت، أكيد هي مشافتش دا في المراية لو كانت شافته مكنتش عملته'.

وتابعت إيناس الدغيدي لتتحدث عن انتقادات الجمهور وحديثه عن عمر نادية الجندي قائلة: مش مهم نتكلم عن العمر ونعايرهم بسنهم، في مواقع التواصل الاجتماعي عايروها، السن مش جريمة مش وصمة عار كلنا هنكبر'.

وعن رأيها في النجمة الأكثر جماهيرية بين نادية الجندي ونبيلة عبيد قالت إيناس الدغيدي: 'نادية الجندي عملت أفلام ناجحة جماهيريا جدا لكن دايما بقول تاريخ نبيلة عبيد لأنه سابت روحها تتلون في الأعمال قدمت شخصيات كتير، لكن نادية كان عندها شخصية بتحبها الست القوية اللي بتغري الرجال منوعتش في الأدوار، نبيلة عبيد سابت روحها لمخرجين فعملت أفلام مختلفة وتقيلة سواء كانت بطلة لوحدها أو مع ممثلين تانيين'.

يذكر أن آخر أعمال إيناس الدغيدي كان فيلم 'مجنون أميرة' وعرض عام 2009، من بطولة نورا رحال وحازم سمير ومصطفى هريدي، تأليف أشرف شتيوي، سيناريو وحوار مصطفى محرم.