كشف النجم أحمد الفيشاوي عن تفاصيل كارثة تسبب بها في مراهقته.

قال أحمد الفيشاوي: 'أكبر مصيبة عملتها حرقت فندق كنت بلعب مع أصدقاء ليا والأوتيل كان فيه أرض واسعة زي المنتجعات اللي بتتعمل دلوقتي حدائق وأشجار وكان عندي 17 سنة'، وذلك خلال حلوله ضيفا في برنامج 'أسرار' الذي تقدمه أميرة بدر.

وتابع أحمد الفيشاوي: الفندق كان فيه شعلات داخلها زيت، قلت لأصحابي يلا نلعب تحطيب بشعلات الزيت واللى شعلته تتكسر وتنزل النار على الزرع يبقى هو الخسران فالنتيجة الفندق كله ولع والناس جريت.

وتابع أحمد الفيشاوي: أبويا اللى تولى اصلاح الاوتيل وكان الفندق في القاهرة ووالدي اضطر يصلح الاوتيل وعمل اتفاق مع ملاك الفندق وقسط قيمة التصليح.

يذكر أن آخر أعمال أحمد الفيشاوي كان فيلم 'بنقدر ظروفك'.

فيلم 'بنقدر ظروفك' يشارك في بطولته كل من أحمد الفيشاوي ومي سليم ونسرين طافش ومحمود حافظ ومحمد محمود وعارفة عبدالرسول وإبرام سمير وطاهر أبو ليلة، ويوسف وائل نور ويوسف الأسدي، ومشرف عام على الإنتاج محمد علاء الدين، ومن إنتاج شركة كولومبيا للإنتاج الفني، ومن تأليف سمير النيل وإخراج أيمن مكرم.