في مداخلة هاتفية مع الإعلامية لميس الحديدي في برنامج 'كلمة أخيرة' على قناة ONE، فاجأ الفنان أحمد فهمي شقيقه كريم فهمي أثناء استضافته في حلقة خاصة بمناسبة 'شم النسيم'.

وأشاد أحمد بدور شقيقه في مسلسل 'وتقابل حبيب' قائلاً: 'اللي عجبني إنه عمل مختلف عن الأعمال المقدمة في السباق الرمضاني وكانت نوعية مختلفة وتم أداء العمل بنجاح كبير وهذا يعود للمخرج والمؤلف الكبير عمرو محمود ياسين'.

تابع: 'ياسمين عبد العزيز وكريم بينهم كيميا حلوه ومش أول مرة يكسروا الدنيا مع بعض لكن في مسلسل (وتقابل حبيب) كانت التجربة الأقرب الى الناس'.

وعن الصفات المشتركة بينه وشقيقه كريم قال أحمد: 'إحنا الاتنين أهلاوية ومتطابقين في معظم الصفات والطبائع لكن الفارق إن كريم ممكن يبقى أهدى كتير في بعض المواقف مقارنة بي، وكريم رغم إنه الأصغر مني لكنه الأعقل'.

وعن أهم الصفات المختلفة بينهما قال: 'أنا عصبي أكتر منه بكتير وهو لما بيتعصب بتبقى عصبيته فيها بعض التفكير مقارنة بي'.

ورداً على سؤال الاعلامية لميس الحديدي الذي طرحته مازحة: 'من فيكما كان حبيب مامته أكتر ليعلق أحمد فهمي قائلاً: 'هنختلف في دي لكن كريم طول عمره كان متدلع أكتر'.

ومازحه كريم قائلاً: 'دي شائعات أحمد بيطلعها هو الأقرب لأمي ودائماً كلامه محل ثقة كبيرة لها لو قلت إن دي كوباية وأحمد قال دي عربية نقل تبقى هي عربية نقل!'.