كشف الفنان الشاب آدم الشرقاوي عن سبب غيابه عن الأنظار لمدة عامين خاصة بعدما لفت الأنظار بمشاركته في عدد من الأعمال الفنية كان آخرها فيلم 'شماريخ'.

نشر أدم الشرقاوي صورة جديدة له عبر حسابه بتطبيق Instagram، وعلق كاتبا: 'كان ليا فترة طويلة ما نزّلت بوستات، بس كنت محتاج أخد بريك، من سنتين كنت تعبان جدًا، كنت قريب من ١١٠ كيلو (٢٥٠ رطل)، ما كنتش قادر أتنفس كويس، عندي ضباب في الدماغ لدرجة إني ما كنتش فاكر أيامي بوضوح، آلام في المفاصل لدرجة إني ما كنتش قادر أقف كتير، والأسوأ إني كنت عندي جلطات دم في رجلي، وجسمي كله كان منتفخ بسبب مشاكل في الكلى. كنت بكره كل حاجة في نفسي، وما كنتش بعرف نفسي خالص لما أبص في المراية'.

وتابع آدم الشرقاوي: دلوقتي أقدر أقول إني أصحّ من أي وقت فات. رجعت لوزني الطبيعي ٨٠ كيلو (١٨٠ رطل)، بحس إني رياضي أكتر من أي وقت، موجود جدًا في اللحظة (مافيش ضباب دماغ)، وكل أعضائي شغالة تمام. حتى لما كنت عندي مشاكل صحية، ربنا تفضل عليّ بفرص كتير، ولما حسيت إني صحتي اتحسّنت، استغليت الفرص دي. أنا شاكر لحياتي ولكل تحدي واجهته. بشكر ربنا إنه خلاني أمر بالتجربة دي عشان دلوقتي عندي نظرة جديدة للحياة وحاسس إني مش ممكن أتحطّم. شكرًا لكل الناس اللي بتدعمني. متحمّس إني أشارككم اللي كنت بشتغل عليه.

آدم الشرقاوي ممثل مصري شاب، من مواليد عام 1994 وسافر مع والديه إلى الولايات المتحدة الأميركية، وأنهى تعلميه الجامعي هناك، ليبدأ مشواره مع الفن من هوليوود، وشارك في عدد من الأعمال الأميركية منها فيلم 'Low Low ' و'NCIS: Los Angeles S12' وغيرها من الأعمال.

سافر آدم إلى القاهرة وكانت أولى مشاركته الفنية من خلال مسلسل 'لعبة نيوتن' مع منى زكي، وشارك بعدها في بطولة مسلسل 'منعطف خطر'، مع باسم سمرة وباسل الخياط، وفيلم 'شماريخ' مع آسر ياسين وأمينة خليل، وكانت آخر الأعمال التي شارك في بطولتها قبل تعرضه لأزمته الصحية مسلسل '1000 حمد الله على السلامة' مع الفنانة يسرا، والذي عرض عام 2023.