كشفت الفنانة جيهان سلامة كواليس مشاجرتها مع زوجها بسبب دورها في فيلم 'لحم رخيص'، موضحة تعديه عليها بالضرب بعد أسبوع من الزواج، كونه شاهد دورها الذي وصفه بالجريء في الفيلم الذي تولت إخراجه المخرجة إيناس الدغيدي.

وقالت الفنانة جيهان سلامة في مداخلة هاتفية ببرنامج 'تفاصيل' مع الإعلامية نهال طايل عبر قناة صدى البلد 2: 'زوجي أتعرف عليا بعد ما قدمت دوري في فيلم 'لحم رخيص' وكان بيحبني قوي، وبعد ما اتجوزنا بأسبوع ضربني لأنه اتفاجئ إنه ما كانش شاف الفيلم بس أنا حسيت إن دي قصة وهمية عملها علشان أعتزل التمثيل وأقعد في البيت، ومش عارفة عمل ليه اللفة دي كلها رغم إنه كان ممكن يكون واضح من البداية'.

وأشارت الفنانة جيهان سلامة إلى أن الانفصال حدث مباشرة بعد مشاجرتها مع زوجها، وأن الزيجة لم تستمر لمدة عامين.

كما تحدث جيهان سلامة موضحة أنها تتمنى تقديم دور مريضة سرطان، كونها عاشت فترة كبيرة مع المرض، قائلة: 'أنا عشت مع المرض وشفت خطورته، وللأسف بقيت عارفة إن المرض ده لما بيجي للشخص بيفكر إزاي، وإن خطورة المرض مش في المرض نفسه ولكن في طريقة العلاج والاستقبال ليه'.

واختتمت الفنانة جيهان سلامة: 'المرض ده صعب والمشكلة ان الناس بتتخض لما بيتقال أنه مصاب بسرطان بس لازم الشخص يصدق ويامن بالله وشخص يكون قوي وأنه يفوض أمره لله لكن اللي بيحصل أن الناس بتصدق أول دكتور لما يقولهم هتاخدوا كيماوي وأنا النوع بتاعي طلع مينفعش ليه علاج كيماوي غير الجراحة'.

لو فاتك: وداعا سمية الألفي .. صاحبة قصة حب معرفهاش الوسط الفني قبل كده