قال الفنان أحمد الفيشاوي إن البعض يعتقد أنه كان لا يفارق الداعية عمرو خالد في مرحلة معينة قبل سنوات، لكن هذا غير صحيح.

وأضاف خلال لقائه مع الإعلامية أميرة بدر في برنامج 'أسرار' المذاع عبر قناة النهار: 'مع إني قابلت عمرو خالد مرتين في حياتي، مرة تحت بيته ومرة في جامع الحصري في 6 أكتوبر، وكان في 7 آلاف واحد غيري، لكن الناس فاكرة إننا مش بنسيب بعض، وعملوا لنا قصة نجاح وكفاح'.

وردا على سؤال لماذا صرح بأنه لا يحب معرفة عمرو خالد، قال أحمد الفيشاوي: 'علشان هو من جماعة الإخوان المسلمين بس مكانش بيقول، علشان الناس متخافش منه وتبعد عنه، وأنا مشوفتش منه حاجة وحشة'.

وتابع: 'كانوا بيستغلوا اسم ربنا واسم الرسول علشان يوصلوا لأغراض لهم، ومفيش حد عايز يعرفهم أعتقد وأنا أولهم'.

ووصف أحمد الفيشاوي الأوضاع في حال استمرار الإخوان في الحكم بقوله: 'البلد كانت هتفلس، وكنا للأسف هنبقى زي سوريا والسودان، وكان هيمنعوا السياحة والسينما والتليفزيون والخروجات وكل حاجة، كل سنة يشيل حاجة ويقول حرام'.

يذكر أن آخر أعمال أحمد الفيشاوي كان فيلم 'بنقدر ظروفك'.

فيلم 'بنقدر ظروفك' يشارك في بطولته كل من أحمد الفيشاوي ومي سليم ونسرين طافش ومحمود حافظ ومحمد محمود وعارفة عبدالرسول وإبرام سمير وطاهر أبو ليلة، ويوسف وائل نور ويوسف الأسدي، ومشرف عام على الإنتاج محمد علاء الدين، ومن إنتاج شركة كولومبيا للإنتاج الفني، ومن تأليف سمير النيل وإخراج أيمن مكرم.