تحدث رجل الأعمال أحمد سوكارنو زوج المخرجة إيناس الدغيدي إعجابه الكبير بشخصيتها.

وقال أحمد سوكارنو في لقاء ببرنامج 'الصورة مع لميس الحديدي': 'إيناس من الشخصيات اللي أنا شفت لها حوارات كتير وأنا من أشد المعجبين بأرائها وبصراحتها وجرأتها لأن هي الصوت اللي بيقول الحق اللي ناس كتير مؤمنة بيه بس بيخافوا أنهم يجهروا بما في داخلهم بالتالي أنا أعجبت بالحتة دي ورغم أن في ناس كتير شايفنها قوية وجريئة أنا شايف أنها طيبة جدا'.

وتابع أحمد سوكارنو: 'أنا مخفتش من جرأتها وقوتها أبدا أنا شفت إيناس من جواها أكتر من اللي بتقوله، شفتها واثقة من نفسها وجريئة وبتقول كلمة الحق وأنا أحب الشخصية دي اللي بتقول اللي مؤمن بيه'.

وخلال اللقاء حكت إيناس الدغيدي عن واقعة غريبة حدثت قبل زواجها من رجل الأعمال أحمد سوكارنو، راوية كيف التقيا وكيف بدأت قصة الحب بيهما.

قالت إيناس الدغيدي:'في البداية قابلت أحد الأشخاص اللي بيقروا الفنجان، وقال لي (مين أحمد؟) فقلت له (ما عنديش حد أعرفه اسمه أحمد، لي فقط شقيق اسمه أحمد)، اللي قرأ الفنجان اسمه اللآن بيطلع على شاشات التلفزيون، وقال لي: لا، مش أخوكي، في حد اسمه أحمد هتعرفيه وهيدخل حياتك وهيفضل معاكي لآخر يوم في عمرك'، حسب تصريحاتها لبرنامج 'صورة' الذي تقدمه الإعلامية لميس الحديدي.